| e-texts navigator |
| Wylie |
220a1 གཞན་དགེ་སྦྱོང་དང་། བྲམ་ཟེ་གནོད་པར་བྱ་བ་མ་ཡིན་པ་དང་། གནོད་པར་བྱ་བ་ལ་མི་དགའ་བ་གང་ཡིན་པ་དེ་དག་ལ་བཅའ་བ་དང་། བཟའ་བ་ཞིམ་པོ་རྣམས་བྱིན་པ་དང
220a2 ཁང་ཁྱིམ་བཟང་པོ་རྣམས་དང་། གདིང་བ་དང་། བགོ་བ་དང་། ཟས་དང་། སྐོམ་དང་། བཅའ་བ་དང་། བཟའ་བ་དང་། གོས་དང་། སྤོས་དང་། བྱུག་པ་དང་། མལ་ཆ་དང་། སྟན་དང་། གནས
220a3 དང་། མར་མེ་བཟང་པོ་རྣམས་ཀྱིས་སེམས་ཀྱི་རྒྱུད་རྣམ་པར་དག་པས་ཆོས་རྣམ་པར་དག་པ་དང་ལྡན་པའི་སེམས་ཅན་རྣམས་ལ་བྱ་བ་བྱས་པ་དང་། གཞན་ཡང་བྱང་ཆུབ་སེམས་དཔའ་ཁྲོ་བ་མེད་ཅིང
220a4 བྲོ་གཉེར་དང་བྲལ་བར་གྱུར་ཏེ། དེ་ལས་དེ་དང་ཡང་དག་པར་བླངས་པ་དེ་ལྟ་བུ་དང་། ཡང་དག་པར་བཟུང་བ་དེ་ལྟ་བུས་ལུས་ཞིག་ནས། དགའ་ལྡན་གྱི་ལྷ་རྣམས་དང་སྐལ་བ་མཉམ་པར་སྐྱེའོ།། དེ་དེར་སྐྱེ
220a5 ནས་རིང་པོ་མ་ལོན་པར་དགའ་ལྡན་གྱི་རིས་ཀྱི་ལྷ་སྔར་སྐྱེས་པ་རྣམས་ལས་ལྷའི་གནས་གསུམ་གྱིས་འཕགས་ཏེ། གསུམ་གང་ཞེ་ན། འདི་ལྟ་སྟེ། ལྷའི་ཚེ་དང་། ལྷའི་ཁ་དོག་དང་། ལྷའི་གྲགས་པས
220a6 འཕགས་སོ། ། དེ་དེར་ཚེའི་ཚད་ཇི་ཙམ་པ་དེ་སྲིད་དུ་གནས་ཏེ། དེ་དེར་ཚེའི་ཚད་ཇི་ཙམ་པ་དེ་སྲིད་དུ་གནས་ནས། དེ་ནས་ཤི་འཕོས་ཏེ་ཁམས་འདིར་མི་རྣམས་དང་སྐལ་བ་མཉམ་པར་སྐྱེའོ།། དེ་འདིར
220a7 རྒྱལ་པོའི་ཕོ་བྲང་ངམ། མདུན་ན་འདོན་གྱི་ཁྱིམ་དུ་སྐྱེ་བར་འགྱུར་ཏེ། དེར་བྱང་ཆུབ་སེམས་དཔའ་དིས་སྐྱེས་བུ་ཆེན་པོའི་མཚན་གསེར་གྱི་མདོག་དང་། འོད་འདོམ་གང་བ་གཉིས་ཐོབ་པར་འགྱུར་རོ།། དེའི
iiif viewer powered by OpenSeadragon
