| e-texts navigator |
| Wylie |
219a1 པ་ཡིན་ཏེ། ཕ་མ་དང་། ཉེ་དུ་དང་། རྒན་རབས་དང་། བླ་མ་ལྟ་བུ་རྣམས་དང་། གཞན་དགེ་སྦྱོང་དང་། བྲམ་ཟེ་གནོད་པར་བྱ་བ་མ་ཡིན་པ་དང་། གནོད་པར་བྱ་བ་ལ་མི
219a2 དགའ་བ་གང་ཡིན་པ་དེ་དག་ལ་དགའ་བ་དང་། ཁྲུས་བྱ་བ་དང་། མཉེ་བ་བྱ་བ་དང་། ས་ཕྱོགས་མི་གཙང་བ་རྣམས་གཙང་བར་བྱས་ཏེ། དག་པར་བྱས་ཤིང་ཕྱག་བདར་བྱས་ནས། ཕྱག་དར
219a3 རྣམས་བོར་ཏེ། དེ་ལས་དེ་དང་ཡང་དག་པར་བླངས་པ་དེ་ལྟ་བུ་དང་། ཡང་དག་པར་བཟུང་བ་དེ་ལྟ་བུས་ལུས་ཞིག་ནས། དགའ་ལྡན་གྱི་ལྷ་རྣམས་དང་སྐལ་བ་མཉམ་པར་སྐྱེའོ་ཞེས་བྱ་བ་ནས། རྒྱས
219a4 པར་སྦྱར་ཏེ། དེ་དེ་ནས་ཤི་འཕོས་ནས་ཁམས་འདིར་མི་རྣམས་དང་སྐལ་བ་མཉམ་པར་སྐྱེའོ་ཞེས་བྱ་བའི་བར་དུ་རྒྱས་པར་སྦྱར་ཏེ། དེར་བྱང་ཆུབ་སེམས་དཔའ་དེས་སྐྱེས་བུ་ཆེན་པོའི་མཚན་ལུས
219a5 ཀྱི་པགས་པ་སྲབ་པ་དང་། སྤུ་རེ་རེ་ནས་སྐྱེ་བ་གཉིས་འཐོབ་པར་འགྱུར་རོ།། དེའི་སྔ་ལྟས་ནི་འདི་ཡིན་ཏེ། གལ་ཏེ་ཁྱིམ་པར་འདུག་ཅིང་ཁྱིམ་ན་གནས་ན་ནི། འཁོར་ལོ་སྒྱུར་བའི་རྒྱལ་པོ་མཐའ
219a6 བཞིར་རྒྱལ་བ་ཞེས་བྱ་བ་ནས། རྒྱས་པར་སྦྱར་ཏེ། དྲན་པ་དང་ལྡན་པ་དང་། བློ་གྲོས་དང་ལྡན་པར་འགྱུར་ཞིང་། དྲན་པ་དང་ལྡན་པའི་མཆོག་དང་། བློ་གྲོས་དང་ལྡན་པའི་མཆོག་ཏུ་འགྱུར་བ་དང་།
219a7 བཀུར་སྟི་བྱེད། བླ་མར་བྱེད་ཅེས་བྱ་བའི་བར་དུ་སྦྱར་རོ།། གལ་ཏེ་སྐྲ་དང་ཁ་སྤུ་རྣམས་བྲེགས་ཏེ། གོས་ངུར་སྨྲིག་དག་བགོས་ནས་ཞེས་བྱ་བ་ནས། རབ་ཏུ་བྱུང་ན་ནི་འཇིག་རྟེན་དུ་དེ་བཞིན་གཤེགས
iiif viewer powered by OpenSeadragon
