| e-texts navigator |
| Wylie |
209a1 ཉིད་རབ་བསྒོམས་པ། ། ལུས་ཀྱི་ཐ་མ་འཛིན་པ་ཡི།། ལུས་ལ་མཚན་རྣམས་ཡོད་པ་ནི།། སུམ་ཅུ་རྩ་གཉིས་དེ་དག་ཡིན།། གང་གི་ལུས་ལ་མཚན་རྟགས་རྣམས། སུམ
209a2 ཅུ་རྩ་གཉིས་ལྡན་གྱུར་པ། ། དེ་ལྟ་བུ་ནི་རྒྱལ་གྱུར་ནས།། ས་ཡི་སྟེང་ནི་འདུལ་བར་བྱེད།། ཡང་ན་བྱང་ཆུབ་མཆོག་ཀྱང་འཐོག། དྲན་དང་ལྡན་ཞིང་བུ་མང་ལ།། ནད་མེད་ཤིན་ཏུ་མཁས་པར་འགྱུར།།
209a3 ཟས་དང་སྐོམ་དང་བགོ་བ་དང་།། མལ་ཆ་སྟན་རྣམས་རྙེད་པར་འགྱུར།། དེ་ནི་མི་ཕྱེད་འཁོར་དང་ལྡན།། ལུས་ཅན་ཀུན་གྱི་ཡིད་དུ་འོང་།། དེ་ལྟར་བུ་ནི་ལྷ་མི་རྣམས།། རྗེས་སུ་འཐུན་པར་བྱེད་པར
209a4 འགྱུར། ། དེ་ལྟ་བུ་ཡི་མི་དག་ནི།། ཆོས་ཀྱི་དབང་གིས་མཆོག་ཡིན་ནོ།། མི་མཉམ་པ་དང་ཟླ་མེད་དང་།། མཚུངས་མེད་རྣམ་པར་འདྲེན་པར་འགྱུར།། བཅོམ་ལྡན་འདས་ཀྱིས་དེ་སྐད་ཅེས་བཀའ
209a5 སྩལ་ནས། ། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །། ཅིའི་ཕྱིར་བྱང་ཆུབ་སེམས་དཔའ་སྐྱེས་བུ་ཆེན་པོའི་མཚན་རྐང་པ་ཤིན
209a6 ཏུ་གནས་པ་ཐོབ་ཅེ་ན། སྨྲས་པ། བྱང་ཆུབ་སེམས་དཔས་ནི། སྔོན་གྱི་སྲིད་པ་དང་། སྔོན་གྱི་གནས་དང་། སྔོན་གྱི་ལུས་དང་། སྔོན་གྱི་བདག་ཉིད་ཐོབ་པ་དང་། སྔོན་གྱི་ཚེ་རབས་གཞན་དག་དང་།།
209a7 འདས་པ་དང་། ཟད་པ་དང་། འགགས་པ་དང་། བྲལ་བ་དང་། རྣམ་པར་གྱུར་པ་དང་། ཡོངས་སུ་ཟད་པ་དག་ཏུ་དགེ་བའི་ཆོས་འདི་ལྟ་སྟེ། བདེན་པ་འམ། ཚུལ་ཁྲིམས་སམ། གཏོང་བ་འམ།
iiif viewer powered by OpenSeadragon
