| e-texts navigator |
| Wylie |
206a1 རྐང་པ་གཉིས་ཤིན་ཏུ་གནས་པས་ན། ས་ལ་མཉམ་པར་གནོན་ཏོ།། དགེ་སློང་དག་འདི་ནི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ཡིན་ནོ།། དེའི་རྐང་པ་གཉིས་ཀྱི་འོག་གི
206a2 མཐིལ་ནས་ཀྱང་འཁོར་ལོ་རྩིབས་སྟོང་པ་ལྟེ་བ་དང་བཅས། མུ་ཁྱུད་དང་བཅས་པ་རྣམ་པ་ཐམས་ཅད་ཡོངས་སུ་རྫོགས་པ་བྱུང་སྟེ། དགེ་སློང་དག་འདི་ནི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན
206a3 ཡིན་ནོ། ། དགེ་སློང་དག་སྐྱེས་བུ་ཆེན་པོ་ནི་སོར་མོ་རིང་བ་སྟེ། དགེ་སློང་དག་འདི་ནི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ཡིན་ནོ།། དགེ་སློང་དག་སྐྱེས་བུ་ཆེན་པོ་ནི་རྐང་པའི་རྟིང་པ་ཡངས་ཏེ། དགེ
206a4 སློང་དག་འདི་ནི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ཡིན་ནོ། ། དགེ་སློང་དག་སྐྱེས་བུ་ཆེན་པོ་ནི་ལག་པ་དང་རྐང་པ་དྲ་བ་དང་ལྡན་ཏེ། དཔེར་ན་ངང་པའི་རྒྱལ་པོ་སྐྱིད་དེ་བར་འདུག་པའི་ལྟ་བུར་དེའི
206a5 ལག་པ་གཉིས་དང་རྐང་པ་གཉིས་དྲ་བ་དང་ལྡན་ཏེ། དགེ་སློང་དག་འདི་ནི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ཡིན་ནོ།། དགེ་སློང་དག་སྐྱེས་བུ་ཆེན་པོ་ནི་ལག་པ་དང་རྐང་པ་འཇམ་ཞིང་གཞོན་ཤ
206a6 ཆགས་པ་སྟེ། དཔེར་ན་ཤིང་བལ་གྱི་འདབ་མ་འམ། རས་བལ་གྱི་འདབ་མ་ལྟ་བུ་སྟེ། དགེ་སློང་དག་འདི་ནི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ཡིན་ནོ།། དགེ་སློང་དག་སྐྱེས་བུ་ཆེན་པོའི་ནི
206a7 རྐང་པ་ལོང་མོའི་ཚོགས་མི་མངོན་པ་སྟེ། དགེ་སློང་དག་འདི་ནི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ཡིན་ནོ།། དགེ་སློང་དག་སྐྱེས་བུ་ཆེན་པོ་ནི་རྫི་ངར་རི་དགས་ཨེ་ནྱ་ལའི་ལྟ་བུ་སྟེ། དགེ་སློང་དག།
iiif viewer powered by OpenSeadragon
