| e-texts navigator |
| Wylie |
205b1 པ་བདག་ཅག་དགེ་སློང་མང་པོ་རིམ་གྲོའི་ཁང་པ་འདིར་འདུས་ཤིང་མཆིས་པ་རྣམས་ཀྱིས་སྐབས་སུ་བཀའ་མཆིད་གླེངས་ཏེ། བཀའ་མཆིད་དེའི་སླད་དུ། བདག་ཅག་ད་ལྟར་འདུས་ཤིང་མཆིས་པ་ལགས།
205b2 སོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། དགེ་སློང་མང་པོ་ལ་བཀའ་སྩལ་པ། དགེ་སློང་དག་སྐྱེས་བུ་ཆེན་པོའི་མཚན་གང་དག་དང་ལྡན་པའི་སྐྱེས་བུ་ཆེན་པོ་ནི་རྣམ་པ་གཉིས་སུ
205b3 འགྱུར་གྱི། གཞན་དུ་མི་འགྱུར་ཏེ། གལ་ཏེ་ཁྱིམ་པར་འདུག་ཅིང་ཁྱིམ་ན་གནས་ན་ནི། འཁོར་ལོ་སྒྱུར་བའི་རྒྱལ་པོ་མཐའ་བཞིར་རྒྱལ་བ་ཞེས་བྱ་བ་ནས། རྒྱས་པར་འཇིག་རྟེན་འདིར་དེ་བཞིན་གཤེས
205b4 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་བར་དུ་འགྱུར་ཏེ། སྒྲ་ཆེར་གྲགས་པར་འགྱུར་བའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་དེ་དག་གང་ཡིན། དེ་སྐད་ཅེས་བཀའ
205b5 སྩལ་པ་དང་། དགེ་སློང་དེ་དག་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ་ཆོས་རྣམས་ཀྱི་རྩ་བ་ནི་བཅོམ་ལྡན་འདས
205b6 ལགས། སྟོན་པ་ནི་བཅོམ་ལྡན་འདས་ལགས་པས་ན། བཅོམ་ལྡན་འདས་ཀྱིས་དོན་འདི་ཉིད་དགེ་སློང་རྣམས་ལ་ལེགས་པར་བཀའ་སྩལ་དུ་གསོལ། བཅོམ་ལྡན་འདས་ལས་ཟོས་ན། དགེ་སློང
205b7 རྣམས་འཛིན་པར་འགྱུར་ལགས་སོ། ། དགེ་སློང་དག་དེའི་ཕྱིར་ལེགས་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་བཤད་པར་བྱའོ།། དགེ་སློང་དག་སྐྱེས་བུ་ཆེན་པོ་ནི་རྐང་པ་ཤིན་ཏུ་གནས་པ་འདི་ལྟ་སྟེ།
iiif viewer powered by OpenSeadragon
