| e-texts navigator |
| Wylie |
188a1 ཟེ་ཡིན་པར་ངས་གསུངས་སོ། ། མི་ནི་གང་ཡང་རུང་བ་དག། སློངས་མོ་ཙམ་གྱིས་འཚེ་བ་དང་།། བདག་མེད་སུ་ལ་གནོད་མི་བྱེད།། བརྟན་ལྡན་ཚངས་པར་སྤྱོད་པ་ཅན།། ཀུན་ཤེས་སྤྱོད་ཕྱིར
188a2 ཆོས་སྟོན་དེ། ། བྲམ་ཟེ་ཡིན་པ་རངས་གསུངས་སོ།། གང་ཞིག་འདོད་པ་ལེགས་སྤངས་ཤིང་།། ཁྱིམ་མེད་པར་ནི་རབ་བྱུང་སྟེ།། འདོད་པའི་ཟག་པ་ལོངས་ཟད་དེ།། བྲམ་ཟེ་ཡིན་པར་ངས་གསུངས་སོ།། འགྲོ་བ
188a3 དང་ནི་གནས་པ་ཡི། ། འབྱུང་པོ་ཆད་པས་མི་གཅོད་ཅིང་།། གསོད་མེད་གསོད་དུ་མི་འཇུག་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་མི་མཐུན་འཐུན་བྱེད་ཅིང་།། ཆད་པས་གཅོད་པ་དང་དུ་ལེན།། འབྱུང།
188a4 པོ་རྣམས་ལ་བརྩེ་ཕན་དེ།། བྲམ་ཟེ་ཡིན་པར་ངས་གསུངས་སོ།། སྦྲང་བུའི་རྩེ་ལ་ཡུངས་ཀར་ལྟར།། གང་ཞིག་འདོད་ཆགས་ཞེ་སྡང་དང་།། ང་རྒྱལ་འཆབ་པ་འཚེམས་པ་དེ།། བྲམ་ཟེ་ཡིན་པར་ངས་གསུངས
188a5 སོ། ། གང་ཞིག་སྲེད་པའི་རྫོང་འདི་དང་།། འཁོར་བའི་ཀླུང་ལས་རབ་རྒལ་ཞིང་།། བརྒལ་ནས་ཕ་རོལ་འགྲོ་བར་སེམས།། ཡིད་ཉིད་ཀྱིས་ནི་མི་བཀྲི་ཞིང་།། གང་ཞིག་ལེན་པ་ལས་ལོག་དེ།། བྲམ་ཟེ་ཡིན་པར་ངས
188a6 གསུངས་སོ། ། གང་ཞིག་འཇིག་རྟེན་འདི་དང་ནི།། ཕ་རོལ་ལ་ཡང་སྲེད་མེད་ཅིང་།། སྲིད་པའི་སྲེད་པ་ཡོངས་ཟད་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་འཇིག་རྟེན་འདི་དང་ནི།། ཕ་རོལ་ལ་ཡང
188a7 ཆགས་མེད་ཅིང་། ། ཆགས་མེད་རྣམ་པར་བྲལ་བ་དེ།། བྲམ་ཟེ་ཡིན་པར་ངས་གསུངས་སོ།། དགའ་དང་མི་དགའ་སྤངས་པ་དང་།། བསིལ་བར་གྱུར་ཅིང་ཟག་པ་མེད།། འཇིག་རྟེན་ཀུན་ཟིལ་གནོན་བརྟན་དེ།
iiif viewer powered by OpenSeadragon
