| e-texts navigator |
| Wylie |
187a1 ལ་མངོན་མི་དགའ། ། འདས་ལ་གདུང་མེད་རྡུལ་བྲལ་ཞིང་།། ཞི་བ་མྱ་ངན་མེད་པ་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་འདོད་ཆུང་གཞན་མི་གསོ།། དུལ་ཞིང་སྙིང
187a2 པོར་རབ་གནས་ལ། ། ཟག་ཟད་སྐྱོན་རྣམས་བསལ་བ་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་ཕ་རོལ་ཚུ་རོལ་དང་།། ཕ་རོལ་ཚུ་རོལ་གཉིས་མེད་ཅིང་།། ཆོས་རྣམས་ཀུན་གྱིས་མཐར
187a3 ཕྱིན་ཏེ། ། བྲམ་ཟེ་ཡིན་པར་ངས་གསུངས་སོ།། གང་ཞིག་ཕ་རོལ་ཚུ་རོལ་དང་།། ཕ་རོལ་ཚུ་རོལ་གཉིས་མེད་ཅིང་།། གང་ཞིག་གནས་གསུམ་མ་ཆགས་དེ།། བྲམ་ཟེ་ཡིན་པར་ངས་གསུངས་སོ།།
187a4 གང་ཞིག་ཐུང་དང་རིང་བ་དང་།། ཕྲ་སྦོམ་དགེ་དང་མི་དགེ་དང་།། འཇིག་རྟེན་ཅུང་ཟད་མི་ལེན་དེ།། བྲམ་ཟེ་ཡིན་པ་རངས་གསུངས་སོ།། གང་ཞིག་འདི་ཉིད་རབ་ཤེས་ཤིང་།། རང་གི་སྡུག་བསྔལ་ཟད་པ
187a5 དང་། འདོད་ཆགས་བྲལ་ཞིང་མི་ལྡན་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་དགེ་དང་སྡིག་པ་དང་།། གཉིས་ཀ་ཡིས་ཀྱང་མི་གོས་པ།། གོས་མེད་རྡུལ་བྲལ་ཞི་བ་དེ།། བྲམ་ཟེ་ཡིན
187a6 པར་ངས་གསུངས་སོ། ། གང་ཞིག་དགེ་དང་སྡིག་པ་ལ།། ཆགས་གང་ཡིན་དེ་རབ་འདས་ཤིང་།། ཆགས་ལས་རབ་འདས་རྣམ་གྲོལ་དེ།། བྲམ་ཟེ་ཡིན་པ་རངས་གསུངས་སོ།། གང་ཞིག་སྔོན་དང་ཕྱི་མ
187a7 དང་། ། དབུས་ཀྱང་ཡོད་པ་མ་ཡིན་པ།། རྡུལ་བྲལ་འཆིང་བ་ལས་གྲོལ་ཏེ།། བྲམ་ཟེ་ཡིན་པ་རངས་གསུངས་སོ།། པདྨའི་འདབ་ལ་ཆུ་ལྟར་དང་།། སྨྱུང་བུའི་རྩེ་ལ་ཡུངས་ཀར་ལྟར།། གང་ཞིག་སྡིག
iiif viewer powered by OpenSeadragon
