| e-texts navigator |
| Wylie |
186b1 འཆོས་མེད་ཅིང་རྙོག་མེད་གནས། ། རིག་བྱེད་མཐར་ཕྱིན་ཚངས་པར་སྤྱོད་པ་སྤྱད།། དུས་སུ་སྨྲ་བྱེད་དེ་ནི་ཚངས་པ་སྨྲ།། གང་ཞིག་སྒྱུ་ལ་མི་གནས་ང་རྒྱལ་མེད།། གང་ཞིག་ཆགས་མེད་བདག་མེད་རེ་བ་མེད།།
186b2 འཁྲུག་བཅོམ་བདག་ཉིད་མྱ་ངན་འདས་ཕྱོགས་ཏེ།། བྲམ་ཟེ་དགེ་སྦྱོང་དེ་ཡིན་དགེ་སློང་དེ།། གང་ཞིག་མ་ཡི་མངལ་སྐྱེས་ནས།། གལ་ཏེ་འཛིན་པ་དང་བཅས་ན།། དེ་མིང་བུ་ཞེས་སྨྲ་བར་བསྟན།། བྲམ་ཟེ་ཡིན།
186b3 པར་ང་མི་སྨྲ།། ཡོངས་སུ་འཛིན་མེད་ལེན་མེད་པ།། བྲམ་ཟེ་ཡིན་པར་ངས་གསུངས་སོ།། གང་ཞིག་ལུས་དང་ངག་དང་ནི།། ཡིད་ཀྱི་ཉེས་བྱས་མི་བྱེད་ཅིང་།། གང་ཞིག་གནས་གསུམ་ལེགས་བསྡམ་སྟེ།།
186b4 བྲམ་ཟེ་ཡིན་པར་ངས་གསུངས་སོ།། གང་གི་ཚིག་དག་མི་རྩུབ་ཅིང་།། གོ་བྱེད་ཡིད་འོང་སྨྲ་བ་དང་།། གང་གིས་ཉོན་མོངས་མི་སྐྱེད་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་གསོད་འཆིང་གཤེ་བ
186b5 དང་། ། སྡང་བའི་མི་ལ་བཟོད་བྱེད་དེ།། བཟོད་པའི་བརྟུལ་ཞུགས་སྟོབས་ཚོགས་ཅན།། བྲམ་ཟེ་ཡིན་པར་ངས་གསུངས་སོ།། ཁྲོ་བ་མེད་ཅིང་ཚུལ་ཁྲིམས་ཅན།། བརྟུལ་ཞུགས་ལྡན་ཞིང་སེམས
186b6 ཁྲལ་མེད། ། དུལ་ཞིང་ལུས་མཐར་གནས་པ་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་རབ་བྱུང་ཁྱིམ་པ་དང་།། དེ་བཞིན་གཉིས་ཀར་མི་འདྲེ་ཞིང་།། འདོད་ཆུང་ཁྱིམ་ནས་མ་བྱུང་དེ།།
186b7 བྲམ་ཟེ་ཡིན་པར་ངས་གསུངས་སོ།། མ་འོངས་པ་ལ་མངོན་མི་དགའ།། འདས་པ་རྣམས་ལ་གདུང་མེད་པ།། འཁྲིག་པའི་སྦྱོར་བྲལ་གཡུལ་རྒྱལ་ཏེ།། བྲམ་ཟེ་ཡིན་པར་ངས་གསུངས་སོ།། མ་འོངས་པ
iiif viewer powered by OpenSeadragon
