| e-texts navigator |
| Wylie |
186a1 གོ་འབང་དམ་པ་མ་ཐོབ་པར།། བར་མདོར་ནི་རྣམ་པར་ཉམས།། བློ་ངན་ཁྱོད་ཀྱི་རལ་པ་ནི།། ཁྱོད་ཀྱི་གཡང་གཞི་གྱོན་པ་ནི། ཁྱོད་ནང་ཐིབས་པོར་འདུག་བཞིན་དུ།། ཕྱི་རོལ་ལེགས
186a2 པར་བྱི་དོར་བྱེད། ། བློ་ངན་ཁྱོད་ཀྱི་རལ་པ་ཅི།། ཁྱོད་ཀྱི་གཡང་གཞི་གྱོན་པ་ཅི།། ཁྱོད་ནང་དྲི་མ་ལྡན་བཞིན་དུ།། ཕྱི་རོལ་ལེགས་པར་བྱི་དོར་བྱེད།། རིགས་ཀྱིས་བྲམ་ཟེར་འགྱུར་མ་ཡིན།། རལ་པས་མ་ཡིན།
186a3 རུས་ཀྱིས་མིན།། གང་ཞིག་བདེན་པའི་ཆོས་ལྡན་པ།། གཙང་མ་དེ་ཡིན་བྲམ་ཟེ་དེ།། རིགས་ཀྱིས་བྲམ་ཟེར་འགྱུར་མ་ཡིན།། རལ་པས་མ་ཡིན་རུས་ཀྱིས་མིན།། གང་ཞིག་སྡིག་པ་ཆེ་ཆུང་རྣམས།། ཐམས
186a4 ཅད་སྤོང་བར་བྱེད་པ་དག། སྡིག་པ་རྣམས་ནི་སྤངས་ཕྱིར་དེ།། བྲམ་ཟེ་ཡིན་ཞེས་ངེས་པར་བརྗོད།། མགོ་བོ་བྲེགས་ཙམ་དགེ་སྦྱོང་མིན།། ཨོཾ་ཞེས་ཟེར་བ་བྲམ་ཟེ་མིན།། གང་ཞིག་དགེ་བའི་ཆོས་ལྡན་པ།། གཙང་མ
186a5 དེ་ཡིན་བྲམ་ཟེ་དེ། ། མགོ་བོ་བྲེགས་ཙམ་དགེ་སྦྱོང་མིན།། ཨོཾ་ཞེས་ཟེར་བ་བྲམ་ཟེ་མིན།། གང་ཞིག་སྡིག་པ་ཆེ་ཆུང་རྣམས།། ཐམས་ཅད་སྤོང་བར་བྱེད་པ་དག། སྡིག་པ་རྣམས་ནི་སྤངས་ཕྱིར་ཏེ།། དགེ་སྦྱོང་བྲམ་ཟེ
186a6 དེ་ཡིན་ནོ། ། སྐྱེ་བོ་ཕལ་ཆེར་འདིར་འཁྲུ་བ།། ཆུ་ཡིས་དག་པར་མི་འགྱུར་ཏེ།། གང་ཞིག་སྡིག་པ་ཆེ་ཆུང་རྣམས།། ཐམས་ཅད་སྤོང་བར་བྱེད་པ་དག། སྡིག་པ་རྣམས་ནི་སྤངས་བྱིར་ཏེ།། དགེ་སྦྱོང་བྲམ་ཟེ་དེ་ཡིན་ནོ།
186a7 གང་ཞིག་སྡིག་ཆོས་རབ་སྤངས་ཤིང་།། རྟག་ཏུ་དྲན་ལྡན་སྤྱོད་བྱེད་པར།། ཀུན་སྦྱོར་ཟད་པའི་སངས་རྒྱས་དེ།། འཇིག་རྟེན་དག་ན་བྲམ་ཟེ་ཡིན། བྲམ་ཟེ་གང་ཞིག་སྡིག་པའི་ཆོས་སྤངས་ཤིང་།། བདག་ཉིད་ཚུལ
iiif viewer powered by OpenSeadragon
