| e-texts navigator |
| Wylie |
185b1 རོལ་མིན་པའི་ཕ་རོལ་པོ། ། སྤོང་སྟེ་སྦྲུལ་རྒས་ལུགས་རྙིང་བརྗེ་བ་བཞིན།། ཁྲིམས་ལྡན་གང་ཡིན་དགེ་སློང་དེ།། སྟོང་ཉིད་ལྡན་གང་བསམ་གཏན་དེ།། རྟག་ཏུ་བྱེད་གང་རྣལ་འབྱོར་དེ།། མྱ་ངན་ལས་གང་བདེ་བ་དེ།
185b2 དགེ་སློང་དགའ་དང་མི་དགས་མི་བརྗེད་ཅིང་།། བས་མཐའི་གནས་མལ་དག་ཏུ་བསྟེན་པ་དང་།། དེ་ནི་བག་ཡོད་གནས་ཤིང་སྲིད་པ་ཡི།། འདོད་ཆགས་ཕྲ་རྒྱས་ལེགས་པར་འབྱིན་པར་བྱེད།། དགེ་སློང་གི་ཚེམས་ཏེ
185b3 སུམ་ཅུ་རྩ་གཉིས་པའོ། ། ། གང་ཞིག་བརྒྱན་ཀྱང་ཆོས་སྤྱོད་དུལ་བ་དང་།། ཞི་ཞིང་ཡང་དག་སྡོམ་ལ་ཚངས་པར་སྤྱོད།། འབྱུང་པོ་ཀུན་ལ་ཆད་པས་མི་གཅོད་དེ།། བྲམ་ཟེ་དགེ་སྦྱོང་དེ་ཡིན
185b4 དགེ་སློང་དེ། ། གཅེར་བུར་སྤྱོད་པས་མ་ཡིན་རལ་བས་ཨ་ཡིན་རྫབ་ཀྱིས་མིན།། ཁ་ཟས་མི་ཟ་བ་ཡིས་མ་ཡིན་ཟང་ལ་ཉལ་བ་འམ།། རྡུལ་དང་དྲི་མས་མ་ཡིན་ཅོག་པུར་འདུག་ལ་འབད་པ་ཡིས།། མི་རྣམས་དག
185b5 པར་མི་འགྱུར་སོམ་ཉི་རྣམས་ལས་རྒལ་མི་འགྱུར། ། དགེ་སྦྱོང་བྲམ་ཟེ་གང་ཡང་རུང་།། དེ་དག་ཉིད་ལ་ཆགས་བྱེད་པ།། ཟག་པ་ཟད་པ་མ་ཐོབ་པར།། བར་མ་དོར་ནི་རྣམ་པར་ཉམས།། དགེ་སྦྱོང་བྲམ་ཟེ་གང་ཡང་རུང་།།
185b6 དེདག་ཉིད་ལ་ཆགས་བྱེད་པ།། ཚེར་བ་ཟད་པ་མ་ཐོབ་པར།། བར་མ་དོར་ནི་རྣམ་པར་ཉམས།། དགེ་སྦྱོང་བྲམ་ཟེ་གང་ཡང་རུང་།། དེ་དག་ཉིད་ལ་ཆགས་བྱེད་པ།། བྱིས་པ་མཐའ་གཅིག་ལ་ལྟ་བ།། བར་མ་དོར་ནི་རྣམ
185b7 བར་ཉམས། ། དགེ་སྦྱོང་བྲམ་ཟེ་གང་ཡང་རུང་།། དེ་དག་ཉིད་ལ་ཆགས་བྱེད་པ།། བྱིས་པའི་སྐྱེ་བོ་བློ་ངན་རྣམས།། བར་མ་དོར་ནི་རྣམ་པར་ཉམས།། དགེ་སྦྱོང་བྲམ་ཟེ་གང་ཡང་རུང་།། དེ་དག་ཉིད་ལ་ཆགས་བྱེད་པ།།
iiif viewer powered by OpenSeadragon
