| e-texts navigator |
| Wylie |
183b1 སྡུག་བསྔལ་བ། ཡོངས་སུ་འགྱུར་བའི་ཆོས་ཅན་ཡིན་ནོ་ཞེས་དེ་ལྟར་དེ་དག་ལ་ཡང་དག་པའི་ཤེས་རབ་ཀྱིས་ཇི་ལྟ་བ་བཞིན་དུ་མཐོང་ན།། སྲིད་པའི་སྲེད་པ་རབ་ཏུ་སྤོང་བར་འགྱུར་ཞིང་། སྲིད་པ་མེད་པས
183b2 མངོན་པར་མི་དགའ་བར་འགྱུར་རོ། ། དེ་ལྟར་མྱ་ངན་འདས་པའི་དགེ་སློང་སྐྱོབ་པ་ནི་གཞན་དུ་ལེན་པ་མེད་ཅིང་། ཡང་སྲིད་མེད་པར་འགྱུར་ཏེ། བདུད་ཟིལ་གྱིས་ནོན་པ་དང་། གཡུལ་ལས་རྒྱལ་བ་དང་།
183b3 སྲིད་པ་ཐམས་ཅད་ལས་རབ་ཏུ་འདས་པ་འདི་ལྟ་བུ་འདི་ནི་སྡུག་བསྔལ་གྱི་མཐའ་ཡིན་ནོ།། དགེ་སློང་དངོས་པོ་བཅད་པ་དང་།། ཉེ་བར་ཞི་ཞིང་སེམས་ཞི་བ།། དེ་ནི་ཡང་སྲིད་མེད་པར་འགྱུར།། སྐྱེ་བའི་འཁོར།།
183b4 བ་རྣམ་པར་སྤངས།། དགེ་སློང་དངོས་པོ་བཅད་པ་དང་།། ཉེ་བར་ཞི་ཞིང་སེམས་ཞི་བ།། དེ་ནི་བདུད་ཀྱི་འཆིང་ལས་གྲོལ།། སྐྱེ་བའི་འཁོར་བ་རྣམ་པར་སྤངས།། དགེ་སློང་དངོས་པོ་བཅད་པ་དང་།། སེམས་ནི།
183b5 ཟག་པ་མེད་གྱུར་པ།། དེ་ནི་ཡང་སྲིད་མེད་པ་སྟེ།། སྐྱེ་བའི་འཁོར་བ་རྣམ་པར་སྤངས།། དགེ་སློང་དངོས་པོ་བཅད་པ་དང་།། སེམས་ནི་ཟག་པ་མེད་གྱུར་པ།། དེ་ནི་བདུད་ཀྱི་འཆིང་ལས་གྲོལ།། སྐྱེ་བའི
183b6 འཁོར་བ་རྣམ་པར་སྤངས། ། དགེ་སློང་དངོས་པོ་བཅད་པ་དང་།། སྲིད་པའི་སྲེད་པ་གཏུབས་གྱུར་པ།། དེ་ནི་ཡང་སྲིད་མེད་པར་འགྱུར།། སྐྱེ་བའི་འཁོར་བ་རྣམ་པར་སྤངས།། དགེ་སློང་དངོས་པོ
183b7 བཅད་པ་དང་། ། སྲིད་པའི་སྲེད་པ་བཅད་གྱུར་པ།། དེ་ནི་བདུད་ཀྱི་འཆིང་ལས་གྲོལ།། སྐྱེ་བའི་འཁོར་བ་རྣམ་པར་སྤངས།། གང་ཞིག་འདམ་རྫ་བ་ལེགས་རྒལ་ཅིང་།། གྲོང་གི་ཚེར་མ་དཀྲུགས་པ
iiif viewer powered by OpenSeadragon
