| e-texts navigator |
| Wylie |
183a1 ཉིད་ཀྱི། ། སྡུག་བསྔལ་ཟད་པ་རབ་ཤེས་ལ།། དགེ་ཞིང་ཤེས་རབ་ལྡན་པ་དེ།། ཟད་མེད་དགེ་སློང་ཡིན་ཞེས་གསུང་།། ཟག་པ་ཟད་པ་མ་ཐོབ་ན།། ཚུལ་ཁྲིམས་བརྟུལ
183a2 ཞུགས་ཅན་དག་གམ། ། ཡང་ན་ཐོས་པ་མང་པོ་འམ།། དབེན་པ་དག་ཏུ་གནས་ཀྱང་རུང་།། ཏིང་འཛིན་ཐོབ་པར་འགྱུར་ཀྱང་ངལ།། གདེང་དྲོད་ཆོད་པའི་དགེ་སློང་མིན།། ཕུང་པོ་ལ་ནི་བདག་ཟེར་བའི།། །
183a3 འཇིག་རྟེན་འདི་དག་གདུང་བ་སྐྱེ།། རྫོགས་པའི་བྱང་ཆུབ་བདེ་བ་ནི།། འཕགས་པས་བསྟེན་པ་མངོན་དུ་བྱ།། ཇི་ལྟ་ཇི་ལྟར་བསམས་བྱས་པ།། དེ་ལྟ་དེ་ལྟར་གཞན་དུ་འགྱུར།། གཞན་དུ་འགྱུར་བའི
183a4 འཇིག་རྟེན་འདི། ། སྲིད་པ་ལ་ཆགས་སྲིད་ལ་དགའ།། སྲིད་ལ་མངོན་ཆགས་སྲིད་ལ་ལྟ།། སྲིད་པ་ཉིད་ལ་མངོན་པར་དགའ།། དགའ་བྱ་གང་ཡིན་དེ་སྡུག་བསྔལ།། སྐྱི་གཡའ་གང་ཡིན་དེ་བདེ་བས།།
183a5 སྲིད་པ་རབ་ཏུ་སྤང་བའི་ཕྱིར།། འདི་ན་ཚངས་པར་སྤྱོད་པ་སྟེ།། དགེ་སྦྱོང་བྲམ་ཟེ་ཇི་སྙེད་པ།། སྲིད་པས་སྲིད་ལས་ངེས་འབྱུང་ཟེར།། དེ་དག་ཐམས་ཅད་སྲིད་པ་ལས།། ངེས་བྱུང་མིན་ཤེས་བརྗོད
183a6 པར་བྱ། ། དགེ་སྦྱོང་བྲམ་ཟེ་ཇི་སྙེད་པ།། སྲིད་པས་སྲིད་ལས་ངེས་འབྱུང་ཟེར།། དེ་དག་ཐམས་ཅད་སྲིད་པ་ལས།། རྣམ་གྲོལ་མིན་ཞེས་བརྗོད་པར་བྱ།། ལེན་པའི་རྐྱེན་ལས་སྡུག་བསྔལ་འབྱུང
183a7 སྡུག་བསྔལ་ལས་ནི་ལེན་པ་འབྱུང་། ། ལེན་པ་ཐམས་ཅད་ཡོངས་ཟད་ན།། སྡུག་བསྔལ་རབ་ཏུ་འབྱུང་བ་མེད།། ཐམས་ཅད་ན་སྲིད་པའི་རྣམ་པ་ཇི་སྙེད་ཡོད་པ་དེ་དག་ཐམས་ཅད་ནི་མི་རྟག་པ།
iiif viewer powered by OpenSeadragon
