| e-texts navigator |
| Wylie |
181b1 རྣམ་གྲོལ་ཞིང་། ། ཁྱིམ་ལ་མ་ཆགས་བདག་མེད་འདོད་སྲེད་སྤངས།། གཅིག་པུ་སྤྱོད་བྱེད་དེ་ནི་དགེ་སློང་ཡིན།། འཚོ་གཙང་སྙོམས་ལས་མེད་པ་ཡི།། གྲོགས་པོ་འཐུན་པ་བསྟེན་བྱ་ཞིང་།། སོ་སོར
181b2 བགོ་བཤའ་བྱ་བ་དང་། ། སྤྱོད་ཡུལ་ཆོ་ག་མཁས་པར་བྱ།། ལག་པ་ལེགས་བསྡམས་རྐང་པ་ལེགས་བསྡམས་དང་།། ཚིག་རྣམས་ལེགས་བསྡམས་དབང་པོ་ལེགས་བསྡམས་ཤིང་།། གཅིག་པུ་ནང་དུ
181b3 མཉམ་པར་འཇོག་ལ་དགའ། ། ཆོག་ཤེས་དེ་ནི་དགེ་སློང་ཡིན་ཞེས་གསུང་།། དགེ་སློང་ཆོས་ལ་ཀུན་དགའ་ཞིང་།། ཆོས་དགའ་ཆོས་ལ་སེམས་པ་དང་།། ཆོས་ལ་རྗེས་སུ་དྲན་པ་དག། ཆོས་ལས་ཡོངས
181b4 སུ་ཉམས་མི་འགྱུར། ། དགེ་སློང་ཁང་སྟོང་ཞུགས་ནས་སུ།། ནང་ལ་ལྟ་བར་བྱེད་པ་དང་།། ཆོས་རྣམས་ལེགས་པར་མཐོང་བ་དག། ལྷ་ཡི་དགའ་དང་ལྡན་པར་འགྱུར།། ཇི་ལྟ་ཇི་ལྟར་ཕུང་པོ་ལ།། སྐྱེ
181b5 དང་འཇིག་པར་ལེགས་རྟོགས་པ། ། དེ་ལྟ་དེ་ལྟར་དེ་ཡིས་ནི།། དགའ་དང་མགུ་བ་ཉིད་ཀྱང་འཐོབ།། དགེ་སློང་དགའ་བ་མང་པོ་ཡིས།། སྡུག་བསྔལ་ཟད་པ་ཐོབ་པར་འགྱུར།། ཇི་ལྟར་བྲག་གི་རི་བོ་དག། རླུང
181b6 གིས་རབ་ཏུ་མི་གཡོས་ལྟར། ། དེ་བཞིན་དགེ་སློང་འདོད་ཆགས་དག། ཟད་པ་ཀུན་ཏུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་ཞེ་སྡང་དག། ཟད་པ་ཀུན
181b7 ཏུ་རབ་མི་གཡོ། ། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མིག་ཡོས་ལྟར།། དེ་བཞིན་དགེ་སློང་གཏི་མུག་དག། ཟད་པ་ཀུན་ཏུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།
iiif viewer powered by OpenSeadragon
