| e-texts navigator |
| Wylie |
181a1 སྐྱེ་དགུ་སེམས་ནི་བསྲུང་བ་དག། གཅིག་ཏུ་མི་ཡི་ནང་དུ་དགའ།། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ།། སྐྱེ་དགུ་རྣམས་ནི་བསྲུང་བ་དག
181a2 གཅིག་ཏུ་མཐོ་རིས་རྣམས་སུ་དགའ། ། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ།། སྐྱེ་དགུ་སེམས་ནི་བསྲུང་བདག། གཅིག་ཏུ་མྱ་ངན་འདས་པ་ཐོབ།། སེམས་ཀྱི་ཆོམས
181a3 ཏེ་སུམ་ཅུ་རྩ་གཅིག་པའོ། ། དགེ་སློང་བསོད་སྙོམས་བྱེད་པ་བདག་རང་ཙམ།། འདྲངས་པར་བྱེད་ཀྱི་གཞན་དག་མི་གསོ་བ།། རྟག་ཏུ་ཉེར་ཞི་དྲན་དང་ལྡན་པ་ཡིན།། སྐྱོབ་པ་དེ་ལ་ལྒ
181a4 རྣམས་དགའ་བར་བྱེད། ། དགེ་སློང་བསོད་སྙོམས་བྱེད་པ་བདག་རང་ཙམ།། འདྲངས་པར་བྱེད་ཀྱི་གཞན་དག་ཡི་གསོབ།། སྐྱོབ་པ་དེ་ལ་ལྷ་རྣམས་དགའ་བྱེད་ཀྱི།། བཀུར་སྟི་ནོར་དང་གྲགས་འདོད་རྣམས་ལ
181a5 མིན། ། དགེ་སློང་འདོད་པ་ཀུན་སྤངས་ཤིང་།། མདུན་ན་གནས་པའི་རྡུལ་གསལ་དང་།། བདག་མེད་རྔུབ་པ་བརྟན་པ་ཡིས།། གཞན་ལ་སྨྲ་བར་བྱ་མི་དགོས།། སྐྱེ་བོ་མ་བསྡམས་ཚིག་གིས་གནོད་བྱེད་པ།
181a6 མི་བཟང་བརྗོད་པའི་ཚིག་དེ་ཐོས་གྱུར་ཀྱང་།། དགེ་སློང་སྡང་སེམས་བྲལ་ལ་ཅི་མི་སྙམ།། གཡུལ་ངོར་གླང་ཆེན་མདའ་ཡིས་བསྣུན་པ་བཞིན།། སྐྱེ་བོ་མ་བསྡམས་ཚིག་གིས་གནོད་བྱེད་པ།། མི་བཟད་བརྗོད
181a7 པའི་ཚིག་དེ་ཟོས་གྱུར་ཀྱང་། ། དགེ་སློང་ཡིད་ལེགས་གཞག་ལ་ཅི་མི་སྙམ།། གཡུལ་ངོར་གླང་ཆེན་མདའ་ཡིས་བསྣུན་པ་བཞིན།། བཟོ་ཡིས་མི་འཚོ་ཡང་ཞིང་བདག་ལ་དགའ།། དབང་པོ་དུལ་དང་ཀུན་ལས
iiif viewer powered by OpenSeadragon
