| e-texts navigator |
| Wylie |
180b1 ཤེས་པར་བྱ། ། བས་མཐའ་དགོན་པར་གནས་བྱ་ཞིང་།། ལྷག་པའི་སེམས་ལ་རྣལ་འབྱོར་བྱ།། འདི་ནི་སངས་རྒྱས་བསྟན་པ་ཡིན།། སེམས་ཀྱི་རྟགས་ལ་མཁས་པ་དང་།། རབ་ཏུ་དབེན་པའི་རོ་སྙེད
180b2 དང་། ། རབ་དྲང་སེམས་པའི་འགྲུས་སྐྱོང་ཅན།། ཟང་ཟིང་མེད་པའི་དགའ་བ་མྱོང་།། གང་ཞིག་ཡིད་གཞུངས་བདེན་དགའ་བདེན་གནས་པས།། རྟག་ཏུ་རང་གི་ལུས་ཀྱི་སྤྱོད་ལམ་དང་།། སྨྲ་དང་ཡིད
180b3 ནི་སྲུང་བར་བྱེད་པ་དེ། ། མྱ་ངན་སྤོང་ཞིང་སྡུག་བསྔལ་ཐོབ་མི་འགྱུར།། མ་བསྲུངས་པ་ཡི་སེམས་དག་ནི།། ལོག་པར་ལྟ་བས་བཅོམ་པ་དང་།། གཉིད་དང་རྨུགས་པས་ཟིལ་ནོན་པ།། བདུད་ཀྱི
180b4 དབང་དུ་འགྲོ་བར་འགྱུར། ། དེ་བས་སེམས་ནི་བསྲུང་བྱས་ཏེ།། ཡང་དག་ལྟ་བས་མདུན་བདར་ཅིང་།། ཡང་དག་ཀུན་རྟོག་སྤྱོད་ཡུལ་ཅན།། ཡང་དག་སྐྱེ་དང་འཇིགས་པ་ཤེས།། གཉིད་དང་རྨུགས་པ
180b5 ཟིལ་གནོན་པའི། ། དགེ་སློང་སྡུག་བསྔལ་ཟད་པ་འཐོབ།། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ།། སྐྱེ་དགུ་སེམས་ཀྱིས་བསླུས་པ་དག། གཅིག་ཏུ་སེམས་ཅན
180b6 དམྱལ་བར་འཚེད། ། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ།། སྐྱེས་བུ་སེམས་ཀྱིས་བསླུས་པ་དག། གཅིག་ཏུ་དུད་འགྲོ་རྣམས་སུ་འཚེད།། བག་ཡོད་སེམས་ནི་བསྲུ
180b7 བ་དང་། ། སེམས་དུལ་ཡང་དག་སྡོམ་པ་བདེ།། སྐྱེ་དགུ་སེམས་ཀྱིས་བསླུས་པ་དག། གཅིག་ཏུ་ཡི་དགས་རྣམས་སུ་འཚེ་དེ།། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ།
iiif viewer powered by OpenSeadragon
