| e-texts navigator |
| Wylie |
180a1 པོ་ཀུན་ལ་བརྩེ་བ་དང་། ། བྱམས་པའི་སེམས་ནི་བསྒོམས་བྱས་ཀྱང་།། བདེ་བ་ཤིན་ཏུ་འཕེལ་བར་འགྱུར།། གལ་ཏེ་གང་ཞིག་སྲོག་ཆགས་འགའ་ལའང་སྡང་མེད་སེམས།།
180a2 བྱམས་པར་བྱེད་ན་དེ་ཡིས་དེ་ནི་དགེ་བ་ཡིས།། སེམས་ཅན་ཐམས་ཅད་ལ་ནི་ཡིད་ཀྱིས་བརྩེ་བྱས་ན།། བསོད་ནམས་ཕལ་ཆེན་འཕགས་པས་རབ་ཏུ་སྒྲུབ་པར་འགྱུར།། མི་གང་དགའ་བའི་སེམས
180a3 དང་ནི། ། ཞུམ་པ་མེད་པའི་ཡིད་ཀྱིས་སུ།། དགེ་བའི་ཆོས་ལ་སྒོམ་བྱེད་པ།། གྲུབ་པ་དང་ནི་བདེ་བ་འཐོབ།། ཡང་དག་ཤེས་པས་རྣམ་གྲོལ་ཞིང་།། སྐྱོ་བ་ཉེ་བར་ཞི་གྱུར་པ།། དེ་ཡིས་ལིད་ནི
180a4 ཞི་གྱུར་ཅིང་། ། ལུས་དང་ངག་གི་ལས་ཀྱང་ཞི།། ཇི་ལྟར་རྩེ་གཅིག་སེམས་ཀྱིས་ནི།། ཆོས་རྣམས་ལེགས་པར་མཐོང་བ་ལྟར།། སིལ་སྙན་ཡན་ལག་ལྔ་པས་ཀྱང་།། དེ་ལྟར་དགའ་བར་བྱེད་མི་འགྱུར།
180a5 གང་ཡིན་ཏིང་འཛིན་ལ་དགའ་བ།། དེ་དག་འདོད་པས་རྩེ་མི་བྱེད།། གང་ཞིག་ཅུང་ཟད་གདུང་མེད་པའི།། སྐྱོབ་པ་བདེ་བར་ཉལ་བར་འགྱུར།། གང་ཡིད་ཏིང་འཛིན་ལ་དགའ་བ།། དེ་དག་འདོད་པས
180a6 རྩེན་མི་བྱེད། ། གང་ཞིག་ཅུང་ཟད་གདུང་མེད་པའི།། ཐུབ་པ་ཀྱེ་མའོ་དགའ་བར་འགྱུར།། གང་གི་སེམས་ནི་བྲག་ལྟ་བུར།། རབ་ཏུ་གཡོ་བ་མེད་འདུག་པ།། ཆགས་པའི་གནས་ལ་མི་གནས་ཏེ།།
180a7 ཁྲོ་བའི་གནས་ལ་འཁྲུག་མེད་པར།། གང་ཡིད་དེ་ལྟར་གྱུར་པ་དེ།། སྡུག་བསྔལ་ཐོབ་པར་ག་ལ་འགྱུར།། སྐུར་པ་མི་གདབ་གནོད་མི་བྱ།། སོ་སོར་ཐར་པས་བསྡམ་པར་བྱ།། ཟས་འདི་ཆོད་ཀྱང
iiif viewer powered by OpenSeadragon
