| e-texts navigator |
| Wylie |
178b1 ཇི་ལྟར་ཁང་སྟེང་གཡོག་ཉེས་ན།། ཆར་པ་ཡོངས་སུ་འཛག་པ་ལྟར།། དེ་བཞིན་སེམས་ནི་མ་བསྒོམས་པ།། སྲེད་པ་རྣམས་ཀྱིས་ཡོངས་སུ་བཅོམ།། ཇི་ལྟར་ཁང་སྟེང་གཡོག་ལེགས་ན།། ཆར་པ་རྣམ
178b2 པར་མི་འཛག་པ། ། དེ་བཞིན་ལེགས་པར་བསྒོམས་པའི་སེམས།། སྲེད་པ་རྣམས་ཀྱིས་ཡོངས་མི་ཆོམས།། ཆོས་ཀྱི་སྔོན་དུ་ཡིད་འགྲོ་སྟེ།། ཡིད་འགྱོགས་ཡིད་ནི་གཙོ་བོ་ཡིན།། གལ་ཏེ་ཡིད་རབ
178b3 གཏུགས་པ་ཡིས། ། སྨྲས་སམ་ཡང་ན་བྱས་ཀྱང་རུང་།། དེ་ཡིས་དེ་ནི་སྡུག་བསྔལ་འཐོབ།། འཁོར་ལོས་མགོ་བོ་བཅད་པ་བཞིན།། ཆོས་ཀྱི་སྔོན་དུ་ཡིད་འགྲོ་སྟེ།། ཡིད་མགྱོགས་ཡིད་ནི་གཙོ་བོ་ཡིན།།
178b4 གལ་ཏེ་ཡིད་རབ་དང་བ་ཡིས།། སྨྲས་སམ་ཡང་ན་བྱས་ཀྱང་རུང་།། དེ་ཡིས་དེ་ནི་བདེ་བ་ཐོབ།། གྲིབ་མ་རྗེས་སུ་འབྲང་བ་བཞིན།། བརྩད་པ་ཆེད་ཆེར་འཛིན་པ་དང་།། སེམས་ནི་ཉོན་མོངས་གྱུར་པ་ཡིས།། །
178b5 གླགས་སྐབས་ཚོལ་བར་བྱེད་པ་ཡིས།། ལེགས་བཤད་ལེགས་པར་མི་ཤེས་སོ།། སྡང་བའམ་ཡང་ན་འཁྲུག་པ་འམ།། དད་པ་མེད་པའི་སེམས་དག་གིས།། རྫོགས་སངས་རྒྱས་ཀྱིས་བསྟན་པ་ཡིས།།
178b6 དམ་ཆོས་ཀུན་ཤེས་མི་ནུས་སོ།། གང་གིས་བག་མེད་སེམས་དང་ནི།། ཁྲོ་བ་རྣམ་པར་བཏུལ་བ་དང་།། འདི་ན་གནོད་སེམས་རབ་སྤངས་པ།། དེས་ནི་ལེགས་པར་བཤད་པ་ཤེས།། སེམས་ཀྱི་བརྟན་པ
178b7 མེད་པ་ཡིས། ། དམ་ཆོས་རྣམ་པར་ཤེས་མི་འགྱུར།། དད་པ་འགྱུར་ལྡོག་བྱེད་པ་ཡིས།། ཤེས་རབ་ཡོངས་སུ་རྫོགས་མི་འགྱུར།། ཀུན་རྟོག་ལ་ཆུམས་རྟེན་པ་ཡི།། ལྟ་ངན་སུམ་ཅུ་རྩ་དྲུག་གིས།།
iiif viewer powered by OpenSeadragon
