| e-texts navigator |
| Wylie |
177b1 ཕྱིར། ། སེམས་དེ་ལ་ནི་ང་སྨྲའོ།། སེམས་འདི་སྔོན་ཆད་ཇི་ལྟར་འདོད་པ་དང་།། དགའ་དགུར་སྤྱོད་ཅིང་རྒྱུ་བར་བྱེད་པ་དག། གླང་ཆེན་མྱོས་ལ་མི་ཡིས་ལྕགས་ཀྱུ་ལྟར།། དེ་ནི་ཚུལ་བཞིན་བྱས་པས་དེ
177b2 གཟུང་ངོ་། ། ཁང་ཁྱིམ་བྱེད་པ་འདི་ཡིས་ནི།། ཡང་ཡང་སྐྱེ་བའི་སྡུག་བསྔལ་ཅན།། སྐྱེ་བའི་འཁོར་བ་དུ་མ་ཞིག། ད་ལྟར་ཕན་ཆད་ཁྱོད་ཀྱིས་ཕྱུང་།། ཁང་ཁྱིམ་བྱེད་པ་ཁྱོད་མཐོང་བས།། ཁྱིམ་གྱི་གདུང
177b3 ཆེན་རྣམས་བཅོམ་ལ། ། བྱམས་རྣམས་ཐམས་ཅད་བཅག་ནས་སུ།། ཕྱིན་ཆད་ཁྱིམ་བྱེད་མི་གཞུག་གོ། སེམས་ནི་འདུ་བྱེད་དང་ཕྲལ་ནས།། འདི་ཉིད་ལ་ནི་ཟད་པར་འདོད།། སེམས་ནི་གཡོ་ཞིང་བརྫུན
177b4 པ་སྟེ། ། རིང་དུ་འགྲོ་ཞིང་བཟློག་དཀའ་བ།། མདའ་མཁན་མེ་ཡིས་སྲོང་བ་ལྟར།། ཡིད་གཞུངས་པ་ཡིས་བསྲང་བར་བྱ།། གང་ཞིག་ལུས་མེད་ཕུག་ན་གནས།། གཅིག་ཏུ་རྒྱུ་ཞིང་རིང་འགྲོ་བའི།། སེམས
177b5 དེ་གདུལ་བར་བྱེད་པ་ནི། ། འཇིགས་པ་ཆེ་ལས་ཐར་པར་འགྱུར།། ལོག་པའི་སྨོན་ལྡན་སེམས་གང་གིས།། བདག་ཉིད་སྡུག་བསྔལ་མི་འགྱུར་བ།། དེ་ལྟར་ཁོན་གྱིས་ཁོན་ཅན་དང་།། དགྲ་བོས་དགྲ་ལའང
177b6 བྱེད་མི་འགྱུར། ། ཡང་དག་སྨོན་ལམ་སེམས་གང་གིས།། བདག་ཉིད་བདེ་བར་བྱེད་འགྱུར་བ།། དེ་ལྟར་ཕ་དང་མ་དག་དང་།། གཉེན་གཞན་གྱིས་ཀྱང་བྱེད་མི་འགྱུར།། ཇི་ལྟར་ཁང་སྟེང་གཡོག་ཉེས་ན།།
177b7 ཆར་པ་ཡོངས་སུ་འཛག་པ་ལྟར།། དེ་བཞིན་སེམས་ནི་མ་བསྒོམས་པ།། འདོད་ཆགས་རྣམས་ཀྱིས་ཡོངས་སུ་བཅོམ།། ཇི་ལྟར་ཁང་སྟེང་གཡོག་ལེགས་ན།། ཆར་པ་རྣམ་པར་མི་འཛག་པ།། དེ
iiif viewer powered by OpenSeadragon
