| e-texts navigator |
| Wylie |
177a1 དག་རབ་བསྲེགས་ཀྱང་། ། ང་ལ་ཅི་ཡང་ཚིག་པ་མེད།། ང་ལ་གང་དག་ཅི་མེད་པས།། ཀྱེ་མའོ་ཤིན་ཏུ་བདེ་བར་འཚོ།། ང་ལ་ཅི་ཡང་མེད་མོད་ཀྱི།། དགའ་བ་ཟ་བར་བྱེད་པས་ན།
177a2 འོད་གསལ་གྱི་ནི་ལྷ་བཞིན་དུ།། ཀྱེ་མའོ་ཤིན་ཏུ་བདེ་བར་འཚོ།། འཇིག་ཚོགས་ལ་ནི་མི་རྟེན་པས།། ང་ལ་ཅི་ཡང་མེད་མོད་ཀྱི།། དགའ་བ་ཟ་བར་བྱེད་པས་ན།། ཀྱེ་མཚོ་ཤིན་ཏུ་བདེ་བར་འཚོ།། ལེན་པའི
177a3 རྐྱེན་གྱིས་འཕྲད་ཅིང་རེག་འགྱུར་གྱི། ། ལེན་མེད་ཅི་དང་ཕྲད་ཅིང་རེག་མེད་པས།། བདག་དང་གཞན་གྱིས་སྐྱེད་པའི་བདེ་སྡུག་གིས།། དགོན་པའམ་གྲོང་དུ་རེག་པར་མི་འགྱུར་རོ།། འཇིག་རྟེན་འདི་ན་བདེ་དང
177a4 སྡུག་བསྔལ་གྱིས། ། སྐྱེས་བུ་དམ་པ་མཐོ་དམན་མི་འགྱུར་ཞིང་།། བརྟན་རྣམས་འདོད་པའི་རྒྱུ་ཡིས་མི་འཁྱལ་བར།། སྐྱེས་བུ་དམ་པ་ཀུན་ཏུ་འགྲོ་བར་བྱེད།། བདེ་བའི་ཆོམས་ཏེ་སུམ་ཅུ་པའོ།། །
177a5 ཆེད་དུ་བརྗོད་པའི་ཆོམས་བམ་པོ་བཞི་པ་སྟེ་ཐ་མའོ།། །། བཟུང་བར་དཀའ་ཞིང་ཡང་བ་དང་།། གང་དུ་དགའ་བར་འགྲོ་བ་ཡི།། སེམས་དུལ་བ་ནི་ལེགས་པ
177a6 སྟེ། ། སེམས་དུལ་བ་ཡིས་བདེ་བ་འདྲེན།། བདུད་ཀྱི་གཞི་དག་སྤོང་བ་ན།། ཆུ་བོའི་གནས་ནས་རབ་བཏོན་ཏེ།། ཐང་ལ་བོར་བའི་ཉ་ལྟ་བུར།། བདག་གི་སེམས་ནི་ཡོངས་སུ་གཡོ།། ཉི་མ་ལས་ནི་འོད་ཟེར་གྱུར
177a7 བདག་གི་སེམས་ནི་སོ་སོར་རྒྱུག། དེ་དག་མཁས་པས་ངེས་བཟློག་སྟེ།། ལྕགས་ཀྱུ་ཡིས་ནི་གླང་ཆེན་བཞིན།། ང་ལ་དོན་མེད་སྤྱོད་པ་དང་།། བལྟར་མེད་སྙིང་པོ་མེད་པ་དེས།། རྟག་ཏུ་གདུལ་བར་བྱ་བའི
iiif viewer powered by OpenSeadragon
