| e-texts navigator |
| Wylie |
176b1 མེད་པ་ཀྱེ་རེ་བདེ། ། སྐྱེ་བོ་སྐྱེ་བོར་ལུས་ལ་རབ་ཆགས་ཤིང་།། ཅུང་ཟད་ཡོད་པ་བདུག་པར་གྱུར་ལ་ལྟོས།། འདི་ནི་གང་དག་ཆོས་མང་ཐོས་པ་དང་།། རྟོགས་ཤི་ཅི་ཡང་མེད་པ་ཀྱེ་རེ་འདེ།། སྐྱེ་བཿ
176b2 བོའི་ལུས་ལ་རབ་ཆགས་ཤིང་། ། ཅུང་ཟད་ཡོད་པ་བརླག་པར་གྱུར་ལ་ལྟོས།། སྐྱེ་བོ་ཅི་མེད་ཡོན་ཏན་རྟོགས་པ་དང་།། སྐྱེ་བོ་ཅི་ཡང་མེད་པར་གྱུར་པ་བདེ།། སྐྱེ་བོ་སྐྱེ་བོའི་སེམས་ལ་རབ་ཆགས་ཤིང་།།
176b3 ཅུང་ཟད་ཡོད་པ་བརླག་པར་གྱུར་ལ་ལྟོས།། སྐྱེ་བོ་ཙ་མེད་ཡོན་ཏན་རྟོགས་པ་དང་།། སྐྱེ་བོ་ཅི་ཡང་མེད་པར་གྱུར་པ་བདེ།། སྐྱེ་བོ་སྐྱེ་བོའི་ལུས་ལ་རབ་ཆགས་ཤིང་།། ཅུང་ཟད་ཡོད་པ་བརླག་པར་གྱུར་ལ་ལྟོས།།
176b4 གཞན་གྱི་དབང་གྱུར་ཀུན་སྡུག་སྟེ།། རང་དབང་ཡོད་པ་ཐམས་ཅད་བདེ།། སྦྱོར་བ་ཤིན་ཏུ་སྤངས་དཀའ་བ།། ཐུན་མོང་གྱུར་པས་བརླག་པར་ཟད།། ཞེན་པར་གྱུར་པའི་མི་ནང་ན།། ཞེན་པ་མེད་པར་གནས་པ་དང་།
176b5 ཞེན་པའི་ནང་ནམ་ཞེན་པར།། ཀྱེ་མའོ་ཤིན་ཏུ་བདེ་བར་འཚོ།། ནད་ཀྱིས་ཐེབས་པའི་མི་ནང་ན།། ནད་མེད་པར་ནི་གནས་པ་དང་།། ནད་པའི་ནང་ན་ནད་མེད་པ།། ཀྱེ་མའོ་ཤིན་ཏུ་བདེ་བར་འཚོ།། འཚེ་བ
176b6 ཅན་གྱི་མི་ནང་ན། ། འཚེ་བ་མེད་པར་གནས་པ་དང་།། འཚེ་བའི་ནང་ན་འཚེ་མེད་པ།། ཀྱེ་མའོ་ཤིན་ཏུ་བདེ་བར་འཚོ།། གནོད་སེམས་ཅན་གྱི་མི་ནང་ན།། གནོད་སེམས་མེད་པར་གནས་པ་དང་།། གནོད
176b7 སེམས་ཅན་ནང་གནོད་མེད་པ། ། ཀྱེ་མའོ་ཤིན་ཏུ་བདེ་བར་འཚེ།། ཤ་ཁོན་ཅན་གྱི་མི་ནང་ན།། ཤ་ཁོན་མེད་པར་གནས་པ་དང་།། ཤ་ཁོན་ཅན་ནང་ཁོན་མེད་པ།། ཀྱེ་མའོ་ཤིན་ཏུ་བདེ་བར་འཚོ།། མི་ཐིལ
iiif viewer powered by OpenSeadragon
