| e-texts navigator |
| Wylie |
176a1 ལས་རིམས་ནད་རྣམ་པར་བསལ། ། སེམས་ཀྱིས་ཞིབ་ཐོབ་པ་རྣམས།། ཉེ་བར་ཞི་ཞིང་བདེ་བར་འདུག། གང་ཞིག་བདེ་བར་ཡངས་འདོད་ཅིང་།། བདེ་བ་ཆུང་ངུ་གཏོང་འདོད་པའི།
176a2 བརྟན་པས་བདེ་ཆུང་སྤང་བྱས་ན།། བདེ་བ་ཡངས་པ་ལེགས་པར་མཐོང་།། འཇིག་རྟེན་འདོད་བདེ་གང་ཡིན་དང་།། ལྷ་ཡུལ་བདེ་བ་གང་ཡིན་པས།། སྲེད་པ་ཟད་པའི་བདེ་བ་དེའི།། བཅུ་དྲུག་ཆར་ཡང་མི་ཕོད་ན
176a3 ཁུར་གྱིས་སྡུག་བསྔལ་བླངས་པས་ན། ། ཁུར་བོར་ན་ནི་བདེ་བར་འགྱུར།། ལྕི་བའི་ཁུར་དག་ངེས་བོར་ན།། ཕྱི་ནས་གཞན་དག་ལེན་མི་འགྱུར།། ཀུན་སྦྱོར་ཐམས་ཅད་ཟད་བྱའི་ཕྱིར།། སྲེད་པ་ཐམས་ཅད
176a4 རབ་ཏུ་སྤངས། ། ཕུང་པོ་ཐམས་ཅད་ཡོངས་ཤེས་ན།། སྲིད་པ་ཕྱི་མར་འགྲོ་བ་མེད།། དོན་རྣམས་བསྐྲུན་པ་ལ་ནི་གྲོགས་ལྡན་བདེ།། སྲོག་དག་རབ་ཏུ་གཏུགས་ལ་བསོད་ནམས་བདེ།། ངན་ངོན་ཙམ
176a5 གྱིས་ལེགས་པར་ཆོག་ཤེས་བདེ། ། སྡུག་བསྔལ་ཐམས་ཅད་ངེས་པར་ནུབ་པ་བདེ།། འདི་ན་མེ་ནི་འབར་བ་ལ།། ལྕགས་ཀྱི་ཐོ་བས་བརྒྱབ་པ་ཡིས།། རིམ་གྱིས་ཉེ་བར་ཞི་འགྱུར་ཏེ།། ཇི་ལྟར་སོང་བ་མ་ཤེས
176a6 ལྟར། ། འདོད་པའི་འདམ་རྫབ་ཆུ་རྒལ་ཅིང་།། གོ་འཕང་མི་གཡོ་ཐོབ་པ་དང་།། ལེགས་པར་རྣམ་པར་གྲོལ་རྣམས་ཀྱི།། འགྲོ་བ་གདགས་སུ་མེད་པ་ཡིན།། གང་ཞིག་ཁོང་ན་འཁྲུགས་པ་མེད་པ་དང་།
176a7 གང་ཞིག་སྲིད་དང་སྲིད་མིན་ལས་ལོག་པ།། དེ་དག་འཇིགས་བྲལ་བདེ་ཞིང་མྱ་ངན་མེད།། ལྷས་ཀྱང་བལྟ་ཞིང་བསལ་དུ་མེད་པར་འགྱུར།། འདི་ན་གང་དག་ཆོས་མང་ཐོས་པ་དང་།། རྟོགས་ཤིང་ཅི་ཡང
iiif viewer powered by OpenSeadragon
