| e-texts navigator |
| Wylie |
174b1 དུ་ནི་བདེ་མི་འགྱུར། ། གང་ཞིག་བདེ་བ་འདོད་པ་དག། འབྱུང་པོ་ལ་ནི་མི་འཚེ་ཞིང་།། ཆད་པས་མི་གཅོད་བདེ་འདོད་པ།། དེ་དག་ཕ་རོལ་བདེ་བ་འཐོབ།། ཆོས་སྤྱོད་ལེགས་པར་སྤྱད་བྱ་ཞིང་།། ཉེས་པར
174b2 སྤྱད་པ་དེ་མི་སྤྱད། ། འཇིག་རྟེན་འདི་དང་ཕ་རོལ་ཏུ།། ཆོས་སྤྱད་པས་ནི་བདེ་བ་འཐོབ།། ཆོས་ལ་ལེགས་སྤྱད་བདེ་བསྐྱེད་པས།། ཆོས་སྤྱོད་ཆོས་ཀྱིས་བསྲུང་བར་བྱ།། ཆོས་སྤྱོད་ངན་འགྲོར་མི་འགྲོ་བ།། ཆོས
174b3 ལ་ལེགས་སྤྱོད་ཕན་ཡོན་དེའོ། ། ཡངས་པའི་གདུགས་ཀྱིས་དབྱར་ཀ་ལྟར།། ཆོས་སྤྱོད་ཆོས་ཀྱིས་བསྲུང་བར་བྱ།། ཆོས་སྤྱོད་ངན་འགྲོར་མི་འགྲོ་བ།། ཆོས་ལ་ལེགས་སྤྱོད་ཕན་ཡོན་དེའོ།། བག་མེད་མི
174b4 ཡིས་ཆོས་མིན་སྤྱད་ན་ནི། ། འགྲོ་བ་གང་ཡང་རུང་བའམ་ངན་འགྲོར་འགྲོ།། འདི་ལ་སྦྲུལ་ནག་རྐེད་ནས་བཟུང་བ་ལྟར།། ཆོས་མིན་སྤྱོད་པ་དེ་དག་བརླག་པར་འགྱུར།། ཆོས་དང་ཆོས་མིན་གཉིས་ཀ་ཡི
174b5 རྣམ་སྨིན་འདྲ་བར་མི་འགྱུར་ཏེ། ། ཆོས་མ་ཡིན་པས་དམྱལ་བར་འགྲོ།། ཆོས་ཀྱིས་བདེ་འགྲོ་ཐོབ་པར་བྱེད།། སྦྱིན་པ་བྱེད་པས་དུས་དང་གཡུལ་འགྱེད་དུས།། རྒྱུ་ཡིས་ཡོངས་སུ་བཟུང་བར་འདྲ་བས།
174b6 ། སྦྱིན་པ་བྱེད་དང་གཡུལ་འགྱེད་འདྲ་ཞེས་གསུངས།། ཡོན་ཏན་དེ་གཉིས་མི་ངན་སྟེན་མི་བྱེད།། ཤིན་ཏུ་ལེགས་པར་ཆས་པས་གཅིག་པུས་ཀྱང་།། ལེགས་པར་མ་ཆས་འཕྱེས་ལས་རྒྱལ་བྱེད
174b7 ལྟར། ། གལ་ཏེ་དད་བསྐྱེད་ཆུང་ངུ་བྱིན་པས་ཀྱང་།། དེས་ནི་དེ་དག་གཞན་དུ་བདེ་བར་འགྱུར།། འདི་ནི་ལན་བརྒྱར་གཡུལ་བཟློག་དཔའ་བོ་བས།། སེར་སྣ་དགྲར་གྱུར་ཟིལ་གྱིས་མནན་ནས་སུ།། གང
iiif viewer powered by OpenSeadragon
