| e-texts navigator |
| Wylie |
173b1 པར་བྱས་པས་དགའ་འགྱུར་ཞིང་། ། བདེ་འགྲོར་སོང་བའི་འོག་ཏུའང་དགའ་བར་འགྱུར།། ཕྱི་ནས་གདུང་འགྱུར་དེ་བྱེད་པས།། ཉེས་ན་ཉེས་སྤྱད་མ་བྱས་བླ།། གདུང་བར་མི་འགྱུར་དེ་བྱ་སྟེ།། ལེགས་པར་སྤྱད
173b2 པ་བྱས་ན་རུང་། ། མཁས་དང་བྱིས་པ་འདྲེས་པ་ལས། ཨ་སྨས་ཤེས་པར་མི་འགྱུར་བས།། ཞི་བའི་གོ་འཕང་སྨྲོས་ཤིག་དང་།། སྨྲས་པ་ཡིས་ནི་ཤེས་པར་འགྱུར།། ལེགས་བཤད་དྲང་སྲོང་རྒྱལ་མཚོན
173b3 ཏེ། དྲང་སྲོང་རྒྱལ་མཚན་ཆོས་ཡིན་པའི།། ཆོས་ནི་བཤད་པས་གསལ་བྱ་ཞིང་།། དྲང་སྲོང་རྒྱལ་མཚན་བསྒྲེང་བར་གྱིས།། མ་སྨྲས་ན་ཡང་སྨོད་བྱེད་ཅིང་།། མང་དུ་སྨྲས་ན་སྨོད་པར་བྱེད།། དལ་བུས་སྨྲས
173b4 ཀྱང་སྨོད་བྱེད་དེ། ། འཇིག་རྟེན་ན་ནི་མི་སྨད་མེད།། གཅིག་ཏུ་སྨད་པར་བྱ་བ་དང་།། གཅིག་ཏུ་བསྟོད་པར་བྱ་བ་ཡིས།། ད་ལྟར་ཡོད་པ་མ་ཡིན་ཏེ།། བྱུང་བར་མ་གྱུར་འབྱུང་མི་འགྱུར།། གང་དག་ལ་ནི་མི་གནས
173b5 སྤྲོས་མེད་ཅིང་། ། གང་དག་ཀུན་སྦྱོར་གདུང་ལས་རབ་ལོག་པ།། ཐུབ་པ་སྲེད་བྲལ་དེ་དག་རྒྱུ་མཛད་ཀྱང་།། ལྷར་བཅས་འཇིག་རྟེན་རྣམས་ཀྱིས་མི་ཤེས་སོ།། གང་གིས་དང་དང་ཚུལ་ཁྲིམས་དང་།། བློ་ལ་ཕན
173b6 ནིམ་བྱུང་བར། ། ཇི་ལྟ་ཇི་ལྟར་རྟོགས་གྱུར་པའི།། ཤེས་པ་ཅན་དག་སྟོང་བྱེད་དེ།། དེ་དག་སུས་ཀྱང་སྨད་འོས་མིན།། འཛམ་བུ་གླིང་གི་གསེར་རྒྱན་བཞིན།། ཇི་ལྟར་རི་དང་བྲག་དག་ནི།། རླུང་གིས་གཡོས་པར
173b7 མི་འགྱུར་ལྟར། ། དེ་བཞིན་བསྟོད་དང་སྨད་པ་ཡིས།། མཁས་པ་རབ་ཏུ་གཡོ་བ་མེད།། ས་ལ་གང་གི་རྩ་མེད་པ།། ལོ་མེད་ལྕུག་ཕྲན་ག་ལ་ཡོད།། འཆིང་བ་ལས་གྲོལ་བརྟན་པ་སྟེ།། ཇི་གསུས་ཀྱང
iiif viewer powered by OpenSeadragon
