| e-texts navigator |
| Wylie |
171a1 གཅེས་པ་མིན་རྟོག་པ། ། ལོག་པར་ཀུན་སྤྱོད་ཡུལ་ཅན།། དེས་ནི་གཅེས་པ་ཐོབ་མི་འགྱུར།། གཅེས་པ་མིན་ལ་གཅེས་མིན་དང་།། གཅེས་ལ་གཅེས་པར་འདུ་ཤེས་ལ།། ལེགས
171a2 པར་ཀུན་རྟོག་སྤྱོད་ཡུལ་ཅན། ། དེ་ནི་གཅེས་པ་ཐོབ་པར་འགྱུར།། འདི་ནི་ལྷ་དང་ཉན་ལ་མངོན་ཞེན་པའི།། འཆིངས་མ་གསར་དུ་འཕེལ་བ་དག། འཁོར་བར་རྒྱུག་ཅིང་འགྲོ་དང་སྡོད་འགྱུར་ཏེ།། མེ་ནང་ལྟུང་བའི
171a3 ཕྱེ་མ་ལེབ་དང་འདྲ། ། འདི་ལ་མྱོང་འགྱུར་གཞན་ལ་མྱོང་འགྱུར་བ་འམ།། འདི་ནི་ཐེ་ཙོམ་པ་དང་ཇི་སྙེད་པ།། དེ་དག་ཚངས་པར་སྤྱད་སྤྱོད་འབད་པ་དང་།། སེམས་པར་བྱེད་པས་རབ་ཏུ་རྣམ་པར་སྤོང་།། གང
171a4 ཞིག་སྙིགས་མ་ཡོད་བཞིན་དུ། ། ངུར་སྨྲིག་གོས་ནི་གྱོན་བྱེད་པ།། དུལ་དང་ངེས་པ་མེད་པ་དེས།། ངུར་སྨྲིག་གྱོན་པའི་འོས་མ་ཡིན།། གང་ཞིག་སྙིགས་མ་རྣམས་སྤངས་ནས།། ཚུལ་ཁྲིམས་ལེགས་པ
171a5 མཉམ་གཞག་པ། ། དུལ་དང་ངེས་པར་ལྡན་པ་དེས།། ངུར་སྨྲིག་གྱོན་པའི་འོས་ཡིན་ནོ།། གཡོ་སྒྱུ་འཇུངས་དང་ལྡན་པའི་མི།། ཁ་དོག་དང་ནི་གཟུགས་ལྡན་པའམ།། ཡང་ན་སྨྲ་བར་བྱེད་ཙམ་གྱིས། ཕོ
171a6 མཆོག་ཡིན་པར་མི་ཆུད་དོ། ། གང་ཞིག་ཆོས་གསུམ་དེ་དག་རྣམས།། ཏ་ལའི་མགོ་བོ་བཞིན་བཅད་ནས།། བློ་ལྡན་སྐྱོན་ནི་བསལ་བ་དེས། ཕོ་མཆོག་ཡིན་པར་བརྗོད་པར་བྱ།། འཇིག་རྟེན་འདི་ན་ལེགས
171a7 བར་མ་བསྡམས་པས། ། ཕལ་ཆེར་ལེགས་བསྡམས་རྟགས་ཀྱིས་རྒྱུ་བྱེད་པས།། ལེགས་པར་མ་བརྟགས་བར་དུ་མི་དག་གིས།། མདོག་གཟུགས་ལན་འགའ་མཐོང་བས་ཡིད་མརྟོན།། ར་ག་ན་ཁ་བསྒྱུར་ལྟ་བུར་མི
iiif viewer powered by OpenSeadragon
