| e-texts navigator |
| Wylie |
170a1 ལོངས་སྤྱོད་ཟད་པར་འགྱུར་བའམ།། རྒྱལ་པོའི་གནོད་པ་འབྱུང་བའམ།། མི་སྣུན་ཤིན་ཏུ་མི་བཟད་དམ།། ཡང་ན་ཁྱིམ་ནི་མི་ཆེན་པོས།། ངེས་པར་སྲེག་པར་བྱེད་པར་འགྱུར།། ཤེས
170a2 རབ་འཐབ་པ་ལུས་ཞིག་ནས། ། བཅུ་པ་ངན་འགྲོར་འགྲོ་བར་འགྱུར།། སྡིག་པ་བྱས་པས་བགདབབ་མི་བྱ་སྟེ།། རིང་བྱས་རྒྱང་མར་བྱས་ཀྱང་བག་མི་དབབ།། དབེན་པར་བྱས་ཀྱང་བག་དབབ་མི་བྱ་སྟེ།། དེ་ཡི་རྣམ
170a3 སྨིན་ཡོད་པས་བག་མི་དབབ། ། བསོད་ནམས་བྱས་པས་བག་ནི་དབང་བྱ་སྟེ།། རིང་རྒྱས་རྒྱང་རིང་བྱས་ཀྱང་བག་དབབ་ཅིང་།། དབེན་པར་བྱས་ཀྱང་བག་ནི་དབབ་པར་བྱ།། དེ་ཡི་རྣམ་སྨིན་ཡོད་པས་བག་དབབ་བོ།།
170a4 བདག་གིས་སྡིག་པ་བྱས་པས་མྱ་ངན་བྱེད།། རིང་དང་རྒྱང་རིང་བྱས་པས་མྱ་ངན་བྱེད།། བདག་གིས་དབེན་པར་བྱས་པས་མྱ་ངན་བྱེད།། དེ་ཡི་རྣམ་སྨིན་ཡོད་པས་མྱ་ངན་བྱེད།། བདག་ཉིད་ནག་པོའི་ལས་དང་ལྡན་མཐོང
170a5 ནས། ། འདིར་ཡང་མྱ་ངན་གཞན་དུའང་མྱ་ངན་བྱེད།། སྡིག་པ་བྱས་པས་གཉིས་ཀར་མྱ་ངན་བྱེད།། དེ་ནི་མྱ་ངན་དེ་རབ་མྱ་ངན་བྱེད།། བདག་གིས་བསོད་ནམས་བྱས་པས་དགའ་བར་འགྱུར།། རིང་དང་རྒྱང་རིང་བྱས་པས
170a6 དགའ་བར་འགྱུར། ། བདག་གིས་དབེན་པར་བྱས་པས་དགའ་བར་འགྱུར།། དེ་ཡི་རྣམ་སྨིན་ཡོད་པས་དགའ་བར་འགྱུར།། བདག་ཉིད་རྣམ་དག་ལས་དང་ལྡན་མཐོང་ནས།། འདི་ན་དགའ་འགྱུར་གཞན་དུའང་དགའ་བར
170a7 འགྱུར། ། བསོད་ནམས་བྱས་པས་གཉིས་ཀས་དགའ་འགྱུར་ཞིང་།། དེ་ནི་དགའ་འགྱུར་དེར་བ་དགའ་བར་འགྱུར།། བདག་གིས་སྡིག་པ་བྱས་པས་གདུང་འགྱུར་ཞིང་།། རིང་བྱས་རྒྱང་རིང་བྱས་པས་གདུང་བར་འགྱུར།།
iiif viewer powered by OpenSeadragon
