| e-texts navigator |
| Wylie |
169b1 ། ཇི་སྲིད་རྫི་མ་སྨིན་པ།། དེ་སྲིད་བྱིས་པ་དང་ར་བར་སེམས།། གང་ཚེ་སྡིག་པ་སྨི་གྱུར་པ།། དེ་ཚེ་དེ་ནི་ཚེ་བར་སེམས།། ཇི་སྲིད་སྡིག་པ་མ་སྨིན་པ།། དེ་སྲིད་སྡིག་པ་རུང་བར་ལྷ།། ག
169b2 སྡིག་པ་སྨིན་གྱུར་པ། ། དེ་ཚེ་སྡིག་པ་མཐོང་བར་འགྱུར།། ཇི་སྲིད་བཟང་པོ་མ་སྨིན་པ།། དེ་སྲིད་བཟང་པོ་སྡིག་པར་མཐོང་།། གང་ཚེ་བཟང་པོ་སྨན་གྱུར་པ།། དེ་ཚེ་བཟང་པོ་མཐོང་བར་འགྱུར།། སྡིག་བསྡུག
169b3 བསྔལ་སོགས་པ་ན། ། དེ་ལ་དགའ་བར་མི་བྱའོ།། ། བརྒྱ་ལ་སྡིག་པ་བྱས་ན་ཡང་།། ཡང་དང་ཡང་དུ་དེ་མི་བྱ།། བསོད་ནམས་བདེ་བ་སོགས་པས་ན།། དེ་ཉིད་ལ་ནི་དགའ་བར་བྱ།།
169b4 གལ་ཏེ་བསོད་ནམས་བྱས་ན་ཡང་།། དེ་ནི་ཡང་དང་ཡང་དུ་བྱ།། སྡིག་ལ་ཡིད་ནི་མངོན་དགའ་བ།། བསོད་ནམས་དལ་བུས་བྱེད་འགྱུར་བས།། སྡིག་པ་ལས་ནི་སེམས་བཟློག་ཅིང་།། བསོད་ནམས་མངོན
169b5 པར་སྦྱར་ཏེ་བྱ། ། སྡིག་པ་ཆུང་ངུ་བྱས་པས་ཀྱང་།། འཇིག་རྟེན་ཕ་རོལ་འཇིགས་ཆེན་དང་།། ཕུང་ཁྲོལ་ཆེན་པོ་བྱེད་འགྱུར་ཏེ།། ཁོང་པར་སོང་བའི་དུག་བཞིན་ནོ།། བསོད་ནམས་ཆུང་ངུ་བྱས་པས་ཀྱང་།། འཇིག
169b6 རྟེན་ཕ་རོལ་བདེ་བར་འདྲེན། ། དོན་ཆེན་དག་ཀྱང་བྱེད་འགྱུར་ཏེ།། འབྲུ་རྣམས་ཕུན་སུམ་འབྱོར་པ་བཞིན།། གང་ཞིག་ཉེས་མེད་ཆད་པས་གཅོད།། སྡང་བ་མིན་ལ་རབ་སྡང་བ།། གནས་གཞན་གང་ཡང་རུང་བ་བཅུ།།
169b7 མྱུར་དུ་ཐོབ་པ་ཁོ་ནར་འགྱུར།། ཚོར་བ་མི་བཟད་བ་དག་གམ།། ཡང་ན་ལུས་ནི་འདྲལ་བ་འམ།། གནོད་པའི་ཚོར་བ་ཚ་བའང་རུང་།། ཡང་ན་སེམས་འཁྲུགས་ཐོབ་པར་འགྱུར།། གཉེན་འདུན་རྣམས་དང་བྲལ་བ་འམ།།
iiif viewer powered by OpenSeadragon
