| e-texts navigator |
| Wylie |
168a1 སྐྲག་པའི་མི་དག་ནི། ། ཕལ་ཆེར་རི་དང་ནགས་ཚལ་དང་།། སྐྱེད་མོས་ཚལ་དང་མཆོད་གནས་དང་།། ལྗོན་ཤིང་རྣམས་ལ་སྐྱབས་སུ་འགྲོ།། སྐྱབས་དེ་གཙོ་བོ་མ་ཡིན་ཤིང་།། སྐྱབས
168a2 དེ་མཆོག་ཏུ་གྱུར་པ་མིན། ། དེ་ལ་སྐྱབས་སུ་སོང་བ་ཡིས།། སྡུག་བསྔལ་ཀུན་ལས་གྲོལ་མི་འགྱུར།། གང་ཞིག་སངས་རྒྱས་ཆོས་དང་ནི།། དགེ་འདུན་ལ་ནི་སྐྱབས་སོང་ཞིང་།། སྡུག་བསྔལ་སྡུག་བསྔལ་ཀུན
168a3 འབྱུང་དང་། ། སྡུག་བསྔལ་ཡང་དག་འདས་པ་དང་།། བདེ་བ་མྱ་ངན་འདས་འགྲོ་བའི།། འཕགས་ལམ་ཡན་ལག་བརྒྱད་པ་སྟེ།། འཕགས་པའི་བདེན་པ་བཞི་པོ་དག། གང་ཚེ་ཤེས་རབ་ཀྱིས་མཐོང་བ།། དེ་ནི
168a4 སྐྱབས་ཀྱི་མཆོག་ཡིན་ཞིང་། ། དེ་ནི་སྐྱབས་ཀྱི་དམ་པ་ཡིན།། དེ་ལ་སྐྱབས་སུ་སོང་བ་ཡིས།། སྡུག་བསྔལ་ཀུན་ལས་གྲོལ་བར་འགྱུར།། མཐོང་བས་མཐོང་ཞིང་མཐོང་བས་མ་མཐོང་མཐོང་།། མ་མཐོང་མི
168a5 མཐོང་མཐོང་བྱ་མཐོང་མི་འགྱུར། ། འདྲ་མཐོང་ལྷག་མཐོང་ཐ་དད་དངོས་པོར་བརྗོད།། ཉིན་མཚན་ནམ་ཡང་ལྷན་ཅིག་མི་གནས་བཞིན།། འདྲ་བ་མཐོང་བ་མཐོང་མི་འགྱུར་གལ་ཏེ་མཐོང་ན་འདྲ་མི་མཐོང་། མཐོང
168a6 འདིས་འདྲ་བ་མི་མཐོང་སྟེ། ། འདྲ་མཐོང་མི་ཡིས་མཐོང་བ་མེད།། མི་ཡིས་ཅི་མ་མཐོང་ན་འདྲ་བ་མཐོང་།། ཅི་ཞིག་མཐོང་ན་འདྲ་བ་མཐོང་མི་འགྱུར།། ཇི་ལྟར་འདི་ནི་འདྲ་བ་མཐོང་བ་དག། གང་ཞིག་མེད་ན་འདྲ
168a7 བར་མཐོང་དང་བྲལ། ། གང་ཚེ་འདི་ཡིས་སྡུག་བསྔལ་མ་མཐོང་བ།། དེ་ཡི་ཚེ་ན་བདག་ཏུ་མཐོང་བར་འགྱུར།། ཇི་ལྟ་ཇི་ལྟར་སྡུག་བསྔལ་རྟོགས་གྱུར་པ།། དེས་ནི་བདག་འདི་འདྲ་བ་མཐོང་མི་འགྱུར།། གང་གིས་སོ་སོ
iiif viewer powered by OpenSeadragon
