| e-texts navigator |
| Wylie |
167a1 ཅན་ནོ། ། འདོད་པ་ནི་ལོངས་སྤྱད་པར་བྱའོ།། འདོད་པ་ནི་སྐྱོན་མེད་པ་ཡིན་ནོ་ཞེས་སྨྲ་ཞིང་།། དེ་དག་ལྷག་པར་འདོད་པ་རྣམས་སུ་ལྷུང་བར་བྱེད་པའི་བརྟུལ་ཞུགས་ལེན་པ་འདི་ཡང་མཐའ་གཅིག
167a2 གོ། མཐའ་གཉིས་པོ་འདི་དག་ནི་དུར་ཁྲོད་འཕེལ་བར་བྱེད་པ་སྟེ། འདི་དག་གིས་དུར་ཁྲོད་འཕེལ་བར་བྱས་སོ།། མཐའ་གཉིས་པོ་འདི་དག་མ་མཐོང་བ་ཁ་ཅིག་ཞེན་པར་བྱེད་ཅིང་།། ཁ་ཅིག་མངོན་པར་རྒྱུག་པར་བྱེད
167a3 ཅིང་། ལྷག་པར་རྒྱུག་པར་བྱེད་པ་དག་མིག་དང་ལྡན་པས་མཐོང་ངོ་།། མཐའ་གཉིས་པོ་དེ་དག་མཐོང་བ་ན་ཞེན་པར་མི་བྱེད། རྒྱུག་པར་མི་བྱེད་ལ། དེ་དག་ལྷག་པར་ཞེན་པར་མི་བྱེད་ཅིང་། ལྷག་པར་རྒྱུག་པར་མི་བྱེད
167a4 པ་ཡང་མིག་དང་ལྡན་པས་མཐོང་ངོ་། ། དེ་དག་དེ་ལྟར་མི་བྱེད་ཅིང་། དེ་དག་དེ་ལྟར་མི་བྱེད་ན། དེ་དག་གི་ལམ་དུ་མི་གདགས་པ་འདི་ལྟ་བུར་འདི་ནི་སྡུག་བསྔལ་གྱི་མཐའ་ཡིན་ནོ།། ཇི་ལྟར་ཆུ་བུར་མཐོང་བ་དང་།། ཇི
167a5 ལྟར་སྨིག་རྒྱུ་མཐོང་བ་ལྟར། ། དེ་བཞིན་འཇིག་རྟེན་ལྟ་བྱེད་པ།། འཆི་བདག་རྒྱལ་པོས་མཐོང་མི་འགྱུར།། ཇི་ལྟར་ཆུ་བུར་མཐོང་བ་དང་།། ཇི་ལྟར་སྨིག་རྒྱུ་མཐོང་བ་ལྟར།། དེ་བཞིན་ལུས་ལ་ལྟ་བྱེད་པ།། འཆི་།
167a6 བདག་རྒྱལ་པོས་མཐོང་མི་འགྱུར།། གང་ལ་བྱིས་པ་མངོན་ཆགས་པ།། དེ་ལ་མཁས་པ་ཆགས་མི་འགྱུར།། རྒྱལ་པོའི་ཤིང་རྟ་བཀྲ་བ་ལྟར།། ལུས་འདི་རྟག་ཏུ་ལྟ་བར་གྱིས།། གང་ལ་བྱིས་པ་རྨོངས་འགྱུར།
167a7 བ། དེ་ལ་མཁས་པས་རྨོངས་མི་འགྱུར།། རྒྱལ་པོའི་ཤིང་རྟ་བཀྲ་བ་ལྟར།། ལུས་འདི་རྟག་ཏུ་ལྟ་བར་གྱིས།། གང་དུ་བྱིས་པ་ཉམས་འགྱུར་བ།། གླང་རྒན་རྫབ་ཏུ་ཆུད་པ་བཞིན།། རྒྱལ་པོའི་ཤིང་རྟ་བཀྲ་བ་ལྟར།།
iiif viewer powered by OpenSeadragon
