| e-texts navigator |
| Wylie |
166a1 སྟེ། སྐྱེ་བར་མ་ཡིན་པ་འདི་ལྟ་བུ་འདི་ནི་སྡུག་བསྔལ་གྱི་མཐའ་ཡིན་ནོ།། ས་དང་ཆུ་དང་མེ་དང་རླུང་།། གང་ལའང་གནས་པ་མ་ཡིན་པ།། དེ་ལ་དཀར་པོས་གསལ་མི་བྱེད།། དེ་ལ
166a2 མུན་པའང་ཡོད་མ་ཡིན། ། དེ་ལ་ཟླ་བས་སྣང་མི་བྱེད།། དེ་ལ་ཉི་མས་མངོན་མི་བྱེད།། ཐུབ་པ་བྲམ་ཟེ་གང་ཡིན་པ།། དེས་ནི་རང་གིས་རིག་པ་ཡིན།། དེ་ནི་གཟུགས་དང་གཟུགས་མེད་དང་།། སྡུག
166a3 བསྔལ་ཀུན་ལས་རབ་ཏུ་གྲོལ། ། མཐར་ཕྱིན་འཇིགས་པ་མེད་པ་སྟེ།། རློམ་མེད་འགྱོད་པ་མེད་པ་ཡིན།། སྲིད་པའི་ཟུག་རྔུ་གཏུགས་པ་སྟེ།། ལུས་ཀྱི་ཐ་མར་གྱུར་པ་ཡིན།། འདི་ནི་མཐར་ཕྱིན
166a4 རྣམས་ཀྱི་མཆོག། ཞི་བའི་གོ་འཕང་བླ་མེད་པ།། མཚན་མ་ཐམས་ཅད་ཟད་པ་སྟེ།། བྱང་གྲོལ་གོ་འཕང་འཆི་མེད་ཡིན།། མཚུངས་དང་མི་མཚུངས་འབྱུང་བ་ཡི།། འདུ་བྱེད་ཐུབ་པས་རབ་ཏུ་སྤངས
166a5 ནང་དུ་མཉམ་གཞག་དགའ་བ་ཡིས། ། སྒོ་ངའི་སྦུབས་ནི་འདྲ་ལས་བྱུང་།། སྦྱིན་ཀུན་ཆོས་ཀྱི་སྦྱིན་པས་ཐུབ།། དགའ་ཀུན་ཆོས་ཀྱི་དགའ་བས་ཐུབ།། སྟོབས་ཀུན་བཟོད་པའི་སྟོབས་ཀྱིས་ཐུབ།། བདེ་ཀུན
166a6 སྲེད་པ་ཟད་པས་ཐུབ། ། མྱ་ངན་འདས་པའི་ཚོམས་ཏེ་ཉི་ཤུ་རྩ་དྲུག་པའོ།། །། བདག་ལས་གཞན་པའི་སྐྱོན་དག་ནི།། ཕུབ་མ་གཏོར་བ་ཇི་བཞིན་དུ།། གཞན་གྱི་སྐྱོན་མཐོང་སླ་བ་སྟེ།།
166a7 རང་གི་སྐྱོན་ནི་མཐོང་བར་དཀའ།། གཡོ་འཕྱན་ཚེ་ལོ་འཇོ་བ་ལྟར།། རང་གི་དེ་ནི་སྦེད་པ་དང་།། གཞན་གྱི་སྐྱོན་ལ་ལྟ་བྱེད་ཅིང་།། རྟག་ཏུ་འཕྱས་ལོང་འདུ་ཤེས་ཅན།། དེ་ཡིས་རིང་དུ་ཆོས་མི་མཐོང་།། གཡོན་ཕྱོག།
iiif viewer powered by OpenSeadragon
