| e-texts navigator |
| Wylie |
165b1 འདུས་བྱས་དང་། མི་འབྱུང་བ་མེད་དུ་ཟིན་ན་སྐྱེ་བ་དང་། འབྱུང་བ་དང་། བཅོས་མ་དང་། འདུས་བྱས་དང་། སེམས་པས་བྱས་པ་དང་། རྟེན་ཅིང་འབྲེལ་པར་འབྱུང་བའི་ངེས་པར་འབྱུང་བ་ཡོད་དོ་ཞེས་ང་ནི
165b2 སྨྲའོ། ། དགེ་སློང་དག་གང་ནི་ཕྱིར་འདི་ན་མ་སྐྱེས་པ་དང་། མ་བྱུང་བ་དང་། མ་བཅོས་པ་དང་། འདུས་མ་བྱས་པ་དང་། མི་འབྱུང་བ་ཡོད་པ་དེའི་ཕྱིར་སྐྱེ་བ་དང་། འབྱུང་བ་དང་། བཅོས་མ་དང་། འདུས་བྱས་དང་། སེམས
165b3 བས་བྱས་པ་དང་། རྟེན་ཅིང་འབྲེལ་པར་འབྱུང་བའི་ངེས་པར་འབྱུང་བ་ཡོད་དོ་ཞེས་ང་སྨྲའོ།། སྐྱེས་དང་བྱུང་དང་འབྱུང་བ་དང་།། བཅོས་དང་འདུས་བྱས་མི་བརྟན་ཞིང་།། རྒ་དང་འཆི་དང་རྨོངས་པ་ཡི།། ཆོས་ཅན་རབ
165b4 ཏུ་འཇིག་འགྱུར་བ། ། ཟས་ཀྱི་རྒྱུད་ལས་བྱུང་བ་ཡི།། འཇིག་འགྱུར་འདི་ལ་དགའ་མི་བྱ།། དེ་ཡི་ངེས་པར་འབྱུང་བའི་གཞི།། རྟོག་དང་དཔྱོད་དང་ཞི་བ་དང་། སྡུག་བསྔལ་ཆོས་རྣམས་འགག་པ་སྟེ།། འདུ་བྱེད་ཉེ་བར
165b5 ཞི་བ་བདེ། ། དགེ་སློང་དག་དེ་ནི་གང་དུ་ཡང་གནས་པར་མི་འགྱུར་ཏེ། ས་ལ་གནས་པར་མི་འགྱུར།། ཆུ་ལ་མ་ཡིན། མེ་ལ་མ་ཡིན། རླུང་ལ་མ་ཡིན། ནམ་མཁའ་མཐའ་ཡས་སྐྱེ་མཆེད་ལ་མ་ཡིན། རྣམ་ཤེས
165b6 མཐའ་ཡས་སྐྱེ་མཆེད་ལ་མ་ཡིན། ཅི་ཡང་མེད་པའི་སྐྱེ་མཆེད་ལ་མ་ཡིན། འདུ་ཤེས་ཡོད་མིན་མེད་མིན་སྐྱེ་མཆེད་ལ་མ་ཡིན། འཇིག་རྟེན་འདི་ལ་མ་ཡིན། འཇིག་རྟེན་ཕ་རོལ་ལ་མ་ཡིན། ཉི་མ་དང་ཐ
165b7 པ་གཉིས་ལ་གནས་པ་མ་ཡིན་ཏེ། འདི་དམིགས་པ་མེད་པར་ངས་མངོན་པར་ཤེས་སོ།། དགེ་སློང་དག་དེ་ལ་འགྲོ་བ་དང་འོང་བ་ཡོད་པར་ང་མི་སྨྲ་སྟེ། གནས་པར་མ་ཡིན་ནོ།། འཆི་འཕོ་ཡོད་པར་ང་མི་སྨྲ
iiif viewer powered by OpenSeadragon
