| e-texts navigator |
| Wylie |
165a1 བར་འགྱུར་རོ། ། གཞོལ་བ་ཡོད་པས་ཤིན་ཏུ་མ་སྦྱངས་པར་འགྱུར་རོ།། ཤིན་ཏུ་མ་སྤུངས་པ་ཡོད་པས་འགྲོ་བ་དང་འོང་བར་འགྱུར་རོ།། འགྲོ་བ་དང་། འོང་བར་ཡོད་པས་གཞན་དུ་ནི
165a2 འཕོ་ལེན་པར་འགྱུར་རོ། ། གཞན་དུ་ཤི་འཕོ་བླངས་པས།། འདི་ལྟར་གཞན་དུ་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ
165a3 བ་དང་། འཁྲུག་པ་འབྱུང་ཞིང་འདི་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ།། རྟེན་པ་མེད་པས་སྤྱོད་པ་མེད་པར་འགྱུར་རོ།། སྤྱོད་པ་མེད་པས་གཞོལ་བར་མི་འགྱུར་རོ།།
165a4 གཞོལ་བར་མ་གྱུར་པས་ཤིན་ཏུ་སྦྱངས་པར་འགྱུར་རོ།། ཤིན་ཏུ་སྦྱངས་པས་འགྲོ་བ་དང་འོང་བར་མི་འགྱུར་རོ།། འགྲོ་བ་དང་འོང་བ་མེད་པས་གཞན་དུ་ཤི་འཕོ་ལེན་པ་མེད་པར་འགྱུར་རོ།། གཞན་དུ་འཆི་འཕོ་ལེན
165a5 པ་མེད་པས་འདི་ལྟར་གཞན་དུ་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འགག་པར་འགྱུར་ཞིང་།
165a6 འདི་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ།། དགེ་སློང་དག་མ་སྐྱེས་པ་དང་། མ་བྱུང་བ་དང་། མ་བཅོས་པ་དང་། འདུས་མ་བྱས་པ་དང་། མི་འབྱུང་བ་ཡོད་དོ།། སྐྱེ་བ
165a7 དང་། འབྱུང་བ་དང་། བཅོས་མ་དང་། སེམས་པས་བྱས་པ་དང་། འདུས་བྱས་དང་། རྟེན་ཅིང་འབྲེལ་པར་འབྱུང་བ་ཡོད་དོ།། དགེ་སློང་དག་གལ་ཏེ་མ་སྐྱེས་པ་དང་། མ་བྱུང་བ་དང་། མ་བཅོས་པ་དང་།
iiif viewer powered by OpenSeadragon
