| e-texts navigator |
| Wylie |
164b1 མཁའ་ལ་བྱ་རྣམས་འགྲོ་བར་བྱེད།། ཆོས་ལ་རྣམ་པར་བསྒོམས་འགྲོ་སྟེ།། དགྲ་བཅོམ་མྱ་ངན་འདས་པར་འགྲོ།། འདི་ནི་བརྩོན་འགྲུས་ཞན་པ་དང་།། བློ་ཆུང་ཤེས་པ་མེད་པ་ཡིས།། མདུད་པ་ཐམས་ཅད
164b2 རབ་གཏུགས་པའི། ། མྱ་ངན་འདས་པ་ཐོབ་མི་འགྱུར།། ཁྱོད་ཀྱིས་གྲུ་འདིའི་ཆུ་ཕྱགས་དང་།། འདི་ནི་ཡང་བར་འགྱུར་བ་ལྟར།། དེ་བཞིན་ཞེ་སྡང་འདོད་ཆགས་སྤོངས།། དེ་ནས་མྱ་ངན་འདས་པ་འཐོབ།
164b3 སྔོན་ཆད་བྱུང་བ་མི་འབྱུང་ཞིང་།། མ་བྱུང་བ་དག་འབྱུང་བར་འགྱུར།། མ་བྱུང་འབྱུང་བར་མི་འགྱུར་ལ།། ད་ལྟར་བྱུང་བའང་ཡོད་མ་ཡིན།། བལྟ་དཀའ་མཐའ་མེད་དེར་མི་མཐོང་།། བདེན་པ་རབ་རྟོགས་ཤེས
164b4 པ་དང་། ། སྲེད་དང་དགའ་བ་མེད་མཐོང་བ།། འདི་འདྲ་འདི་ནི་སྡུག་བསྔལ་མཐའ།། སྲེད་པ་རྣམས་ནི་བཅད་པ་དང་།། འདོད་ཆགས་རབ་ཏུ་སྤངས་པ་དང་།། མཚོ་བསྐམས་ནས་ནི་མི་འབབ་པ།། འདི་འདྲ།
164b5 འདི་ནི་སྡུག་བསྔལ་མཐའ།། ལུས་ཞིག་ཚེར་བ་བསིལ་བར་གྱུར།། འདུ་ཤེས་འགགས་ཤིང་འདུ་བྱེད་ཞི།། རྣམ་པར་ཤེས་པ་ནུབ་གྱུར་པ།། འདི་འདྲ་འདི་ནི་སྡུག་བསྔལ་མཐའ།། ལྟ་བས་མཐོང་བར
164b6 གྱུར་ཙམ་དང་། ། ཉན་པས་ཟོས་པར་གྱུར་པ་ཙམ།། རྟོགས་པར་བྱེད་པས་རྟོགས་ཙམ་དང་།། རྣམ་པར་ཤེས་པས་རྣམ་ཤེས་ཙམ།། འདི་འདྲ་འདི་ནི་སྡུག་བསྔལ་མཐའ།། འདི་དང་མ་དང་གདུང་རབ་གདུངས།།
164b7 འདི་འདྲ་འདི་ནི་སྡུག་བསྔལ་མཐའ།། མ་རེག་མ་དགའ་རབ་ཞི་དང་།། ཀུན་ཏུ་འདོད་ཆགས་བྲལ་གྱུར་པ། འདི་འདྲ་འདི་ནི་སྡུག་བསྔལ་མཐའ།། རྟེན་པ་ཡོད་པས་སྤྱོད་པར་འགྱུར་རོ།། སྤྱོད་པ་ཡོད་པས་གནོམ
iiif viewer powered by OpenSeadragon
