| e-texts navigator |
| Wylie |
164a1 པའོ། ། ། རུས་སྦལ་རང་གི་ཁོག་པར་ཡན་ལག་ལྟར།། དགེ་སློང་ཡིད་ཀྱི་རྣམ་རྟོག་ནང་བསྡུས་ནས།། རྟེན་པ་མེད་ཅིང་གཞན་ལ་འཚེ་མེད་པར།། མྱ་ངན
164a2 འདས་ལ་སུ་ཡང་སྨོད་མི་བྱེད། ། བཟོད་པ་དཀའ་ཐུབ་མཆོག་སྟེ་བཟོད་པ་ནི།། མྱ་ངན་འདས་པ་མཆོག་ཅེས་སངས་རྒྱས་གསུང་།། རབ་ཏུ་བྱུང་བ་གཞན་ལ་འཚེ་བ་ནི།། གཞན་ལ་གནོད་པས་དགེ་སྦྱོང་མ་ཡིན་ནོ།།
164a3 ཚིག་རྩུབ་ཅི་ཡང་སྨ་མི་བྱ།། སྨྲས་ན་སླར་ཡང་སྨྲ་བར་བྱེད།། འཐབ་གཅུགས་ཚིག་གིས་སྡུག་བསྔལ་ཞིང་།། དེ་ལ་ཕྱིར་ཡང་ཆད་པས་གཅོད།། གལ་ཏེ་བདག་གིས་ཕར་བྱས་ན།། འཁར་བའི་སྣོད་ལ་བརྡུངས
164a4 པ་བཞིན། ། འཁོར་བར་སྐྱེ་དང་རྒ་བ་དག། ཡུན་རིང་ཉམས་སུ་མྱོང་བར་འགྱུར།། བདག་གིས་པར་ནི་མ་བྱས་དང་།། འཁར་བའི་སྣོད་ལ་མ་བརྡུངས་ལྟར།། འདི་ལྟར་འཐབ་མོ་མི་འབྱུང་ཞིང་།། མྱ་ངན་འདས
164a5 པ་ཐོབ་པར་འགྱུར། ། ནད་མེད་རྙེད་པའི་དམ་པ་སྟེ།། ཆོག་ཤེས་པ་ནི་ནོར་གྱི་དབྱིག། ཡི་དེ་གཅུགས་བཤེས་པའི་མཆོག་ཡིན་ཏེ།། མྱ་ངན་འདས་པ་བདེ་བའི་ཕུལ།། འདུ་བྱེད་སྡུག་བསྔལ་མ་རུངས་པ།།
164a6 ནད་ཀྱི་ནང་ན་བཀྲེས་མི་བཟད།། དེ་ལྟར་ཇི་བཞིན་ཤེས་ན་ནི།། མྱ་ངན་འདས་པ་མཆོག་ཏུ་འགྱུར།། བདེ་འགྲོར་འགྲོ་བ་ཉུང་ཟད་དེ།། ངན་འགྲོར་འགྲོ་བ་བསམ་ཡས་ཤིག། དེ་ལྟའི་ཉེས་དམིགས་རྟོགས་གྱུར་ན
164a7 མྱུར་དུ་མྱ་ངན་འདས་པ་ཐོབ། ། བདེ་འགྲོར་འགྲོ་བ་རྒྱུ་དང་བཅས།། ངན་འགྲོར་འགྲོ་བ་རྒྱུ་དང་ལྡན།། མྱ་ངན་འདས་འགྲོ་རྒྱུ་ཅན་ཏེ།། དེ་དག་ཐམས་ཅད་རྒྱུ་དང་བཅས།། ནགས་ཚལ་མཆོག་ཏུ་རི་དགས་འགྲོ།།
iiif viewer powered by OpenSeadragon
