| e-texts navigator |
| Wylie |
163b1 ཏེ་མཁས་པ་བསྟེན་བྱས་ཀྱང་། ། རྫོགས་པའི་སངས་རྒྱས་ཀྱིས་བསྟན་པའི།། ཆོས་རྣམས་དེ་ཡིས་ཤེས་མི་འགྱུར།། ཤེས་རབ་ལྡན་པས་ཡུད་ཙམ་ཞིག། མཁས་པ་ཉེ་བར་བསྟེན་པས་ཀྱང་།།
163b2 རྫོགས་སངས་རྒྱས་ཀྱིས་བསྟན་པ་ཡི།། ཆོས་རྣམས་དེ་ཡིས་ཤེས་པར་འགྱུར།། དོན་ལྡན་ཚིག་ནི་གཅིག་གིས་ཀྱང་།། མཁས་པ་ཡི་ནི་བྱ་བ་བྱེད།། སངས་རྒྱས་ཀུན་གྱི་གསུང་གིས་ཀྱང་།། བྱིས་པའི
163b3 བྱ་བ་བྱེད་མི་འགྱུར། ། བློ་དང་ལྡན་པ་ཚིག་གཅིག་གིས།། ཚིག་བརྒྱ་དག་ནི་ཤེས་པར་འགྱུར།། བྱིས་པ་ལ་ནི་ཚིག་སྟོང་གིས།། ཚིག་གཅིག་ཤེས་པར་མི་འགྱུར་རོ།། ཉིས་ན་མཁས་དང་མི་མཛའ་བླའི།། བྱིས་།
163b4 པ་རྣམས་དང་མཛའ་མི་རུང་།། བྱིས་པ་རྣམས་དང་མཛའ་བྱེད་པ།། སེམས་ཅན་དམྱལ་བར་ཁྲིད་པར་བྱེད།། བྱིས་པ་གང་ཞིག་བྱིས་པའོ་ཞེས།། ཤེས་པ་དེ་འདིར་མཁས་པ་ཡིན།། བྱིས་པ་གང་ཞིག
163b5 མཁས་སེམས་པ། ། དེ་ནི་བྱིས་པ་ཞེས་བརྗོད་དོ།། བྱིས་པས་བསྟོད་པ་གང་ཡིན་དང་།། མཁས་པས་སྨད་པ་གང་ཡིན་ལས།། མཁས་པས་སྨད་པ་ཆེས་རུང་གི། བྱིས་པས་བསྟོད་པ་མི་རུང་ངོ་།། བྱིས་པ
163b6 བསྟེན་པ་སྡུག་བསྔལ་ཞིང་། ། རྣམ་པ་ཀུན་ཏུ་དགྲ་འདྲ་བས།། བྱིས་པ་མི་ཟོས་མི་མཐོང་ཞིང་།། མ་བསྟེན་གྱུར་པ་ཉིད་རུང་ངོ་།། གཉེན་དང་ཕྲད་པ་ཇི་ལྟ་བར།། བརྟན་པ་བསྟེན་ན་བདེ་བར་འགྱུར།། དེ་བས་རྒྱུ་སྐར
163b7 ལམ་དུ་ཟླ་བ་ལྟར། ། བརྟན་ཞིང་ཐོས་མང་མཆོག་འདྲེན་བྱེད་པ་དང་།། ཚུལ་ཁྲིམས་ལྡན་དང་འཕགས་པའི་བརྟུལ་ཞུགས་ཅན།། མི་མཆོག་བརྩེ་ལྡན་བློ་བཟང་བསྟེན་པར་གྱིས།། མཛའ་བཤེས་ཀྱི་ཆོམས་ཏེ་ཉི་ཤུ་རྩ་ལྔ
iiif viewer powered by OpenSeadragon
