| e-texts navigator |
| Wylie |
163a1 དམ་པ་བསྟེན་པའང་དེ་བཞིན་འགྱུར།། གལ་ཏེ་སྡིག་པ་བྱེད་བདག། སྡིག་མི་བྱེད་པས་བསྟེན་ན་ཡང་།། སྡིག་པ་བྱེད་པར་དོགས་སྐྱེ་ཞིང་།། མི་སྙན་པ་ཡང་འཕེལ་བར་འགྱུར།། བསྟེ།
163a2 བྱ་མ་ཡིན་བསྟེན་པའི་མི།། དེ་ཡི་སྐྱོན་གྱིས་སྐྱོན་ཅན་འགྱུར།། དོང་པར་དུག་བསྐུས་མདའ་བཅུག་པས།། དུག་མ་བསྐུས་པའང་གོས་པ་བཞིན།། བརྟན་པ་སྐྱོན་གོས་འཇིགས་པ་དག། སྡིག་པ་ཅན
163a3 དང་བཤེས་མི་བྱ། ། ཇི་ལྟར་གྲོགས་པོ་བསྟེན་པ་དང་།། ཇི་ལྟར་ཉེ་བར་བསྟེན་བྱས་པ།། བསྟེན་བྱ་དེ་ནི་ཅི་འདྲ་བར།། རིང་པོ་མི་རྫོགས་དེ་འདྲར་འགྱུར།། དེ་བས་འབྲས་བུའི་སྣོད་བཞིན་དུ།། གཞིག།
163a4 གིས་བསྟེན་པ་ཤེས་པ་ཡིས།། དམ་པ་མ་ཡིན་མི་བསྟེན་ཅིང་།། མཁས་པས་དམ་པ་བསྟེན་བྱས་ལ།། དགེ་སློང་དེ་ཡི་ལམ་རྗེས་འབྲངས།། སྡུག་བསྔལ་ཟད་པ་ཐོབ་པར་འགྱུར།། བྱིས་པས་ཇི་སྲིད།
163a5 གསོན་པར་དུ།། གལ་ཏེ་མཁས་པ་བསྟེན་བྱས་ཀྱང་།། དེ་ཡིས་ཆོས་ཤེས་མི་འགྱུར་ཏེ།། གཟར་བུས་ཚེད་མའི་རོ་བཞིན་ནོ།། ཤེས་རབ་ལྡན་པས་ཡུད་ཙམ་ཞིག། མཁས་པ་ཉེ་བར་བསྟེན་པས་ཀྱང་།།
163a6 དེ་ཡིས་ཆོས་རྣམས་ཤེས་འགྱུར་ཏེ།། ལྕེ་ཡིས་ཆོད་མའི་རོ་བཞིན་ནོ།། བྱིས་པས་ཇི་སྲིད་གསོན་པར་དུ།། གལ་ཏེ་མཁས་པ་བསྟེན་བྱས་ཀྱང་།། དེ་ལ་མིག་ནི་མེད་པའི་ཕྱིར།། ཆོས་རྣམས་ཤེས་པར་མི
163a7 འགྱུར་རོ། ། ཤེས་རབ་ལྡན་པས་ལུང་ཙམ་ཞིག། མཁས་པ་ཉེ་བར་བསྟེན་བྱས་ཀྱང་།། དེ་ལ་མིག་ནི་ཡོད་པའི་ཕྱིར།། ཆོས་རྣམས་རབ་ཏུ་ཤེས་པར་འགྱུར།། བྱིས་པས་ཇི་སྲིད་གསོན་པར་དུ།། གལ
iiif viewer powered by OpenSeadragon
