| e-texts navigator |
| Wylie |
159b1 དང་ཤེས་པ་དོན་ཆེན་མི་འགྱུར་རོ། ། གང་ཞིག་འཕགས་པས་བསྟན་པའི་ཆོས་འགའ་ཞིག། དེ་བཞིན་ལུས་དང་ངག་གིས་སྤྱོད་བྱེད་པ།། དེ་དག་བཟོད་ལྡན་འགྲོགས་དགའ་དབང་པོ་བསྡམས།། ཐོས་དང་ཤེས།
159b2 རབ་ཕ་རོལ་ཕྱིན་པ་འཐོབ།། ཟོས་པའི་ཆོམས་ཏེ་ཉི་ཤུ་གཉིས་པའོ།། ། ལེགས་པར་གསུངས་ལ་བསླབ་བྱ་ཞིང་།། དགེ་སྦྱོང་ལ་ནི་བསྙེན་བཀུར་དང་།། དབེན་པ་དང་ནི་སྟན་གཅི
159b3 དང་། ། སེམས་ནི་ཉེ་བར་ཞི་བར་བྱ།། སྟན་གཅིག་མ་ལ་སྟན་གཅིག་པ་དང་།། གཅིག་པུ་སྙོམས་ལས་མེད་སྤྱོད་ཅིང་།། གཅིག་པུ་ནགས་ཚལ་གནས་པ་དང་།། གཅིག་པུས་བདག་ཉིད་གདུལ་བར་བྱ།། གང
159b4 ཞིག་སྟོང་ཕྲག་སྟོང་དག་གི། མི་ཡི་ག་ཡུལ་ལས་རྒྱལ་བ་ལས།། གང་ཞིག་བདག་ལས་རྒྱལ་བྱེད་པ།། དེ་ནི་མི་ཡི་གཡུལ་ལས་རྒྱལ།། རྟག་ཏུ་སྡོམ་པ་སྤྱོད་པ་ཡི།། མི་ཡིས་བདག་འདུལ་གཅིག་པུ་ཡིས།།
159b5 བདག་ཉིད་ལས་རྒྱལ་མཆོག་ཡིན་གྱི།། སྐྱེ་དགུ་གཞན་ལྟ་ཕལ་བར་ཟད།། ཤེས་རབ་ཀྱིས་གནས་དགེ་སློང་གིས།། རྒྱལ་བར་བྱས་ལ་བདུད་དང་ནི།། ཚངས་པར་བཅས་པས་ཕ་མ་མི་ནུས།། ལྷ་ཡིས་མ
159b6 ཡིན་དྲི་ཟས་མིན། ། བདག་ཉིད་དང་པོར་རིགས་པར་གནས་བྱས་ནས།། ཕྱི་ནས་གཞན་དག་བདག་བཞིན་གདུལ་བར་བྱ།། བདག་ཉིད་དང་པོར་རིགས་པར་གནས་བྱས་ནས།། ཕྱི་དུས་འདུལ་ཚེ་མཁས་པ
159b7 ཉོན་མི་མོངས། ། བདག་ལ་ཇི་ལྟར་བྱས་པ་བཞིན།། གཞན་དག་ལ་ཡང་དེ་ལྟར་བྱ།། བདག་ཉིད་དུལ་ཞིང་ཞི་བ་ཡིས།། གཞན་དག་བདེ་བར་གདུལ་བར་བྱ།། བདག་ལ་ཇི་ལྟར་བྱ་བ་བཞིན།། གཞན
iiif viewer powered by OpenSeadragon
