| e-texts navigator |
| Wylie |
159a1 འགྱུར། ། གང་ཞིག་ཐོས་པ་ཉུང་བ་དང་།། ཚུལ་ཁྲིམས་ལེགས་པར་མི་སྡོམ་པ།། དེ་ནི་གཉིས་ཀའི་ཕྱིར་སྨད་ཅིང་།། དེ་ཡི་བརྟུལ་ཞུགས་ཕུན་སུམ་མིན།། གང་ཞིག་མང་དུ་ཐོས་པ
159a2 དང་། ། ཚུལ་ཁྲིམས་ལེགས་པར་སྡོམ་བྱེད་པ།། དེ་ནི་གཉིས་ཀའི་ཕྱིར་བསྔགས་ཤིང་།། དེ་ཡི་བརྟུལ་ཞུགས་ཕུན་སུམ་འགྱུར།། ཐོས་པ་མང་ཞིང་ཆོས་འཛིན་དང་།། ཤེས་རབ་ལྡན་ཞིང་མཉམ་གཞག
159a3 པ། ། དེ་དག་སུས་ཀྱང་སྨད་འོས་མིན།། འཛམ་བུ་གླིང་ན་གསེར་རྒྱན་བཞིན།། གང་ཞིག་གཟུགས་ཀྱིས་རྗེས་དཔོག་ཅིང་།། ང་ལ་སྒྲ་ཡིས་འཇལ་བྱེད་པ།། འདུན་པའི་འདོད་ཆགས་དང་ལྡན་ཞིང་།། སྐྱེ་བོ
159a4 དེ་ཡིས་ང་མི་ཤེས། ། གལ་ཏེ་ནང་ནི་རྣམ་ཤེས་ཤིང་།། ཕྱི་རོལ་མཐོང་བར་མ་གྱུར་ན།། ནང་གི་འབྲས་བུ་མཐོང་བ་གང་།། དེ་ནི་སྒྲ་ཡིས་དྲང་དུ་རུང་།། གལ་ཏེ་ཕྱི་རོལ་མཐོང་གྱུར་ཅིང་།། ནང་ནི་ཤེས་པར་མ
159a5 གྱུར་པར། ། ཕྱི་རོལ་འབྲས་བུ་མཐོང་བ་གང་།། དེ་ནི་སྒྲ་ཡིས་དྲང་དུ་རུང་།། གལ་ཏེ་ནང་ནའང་མི་ཤེས་ཤིང་།། ཕྱི་རོལ་མཐོང་བར་མ་གྱུར་ན།། བྱིས་པ་ཀུན་ནས་བསྒྲིབས་པ་དག། དེ་ནི་སྒྲ་ཡིས་དྲང་དུ་རུང་།།
159a6 གལ་ཏེ་ནང་ནི་རྣམ་ཤེས་ཤིང་།། ཕྱི་རོལ་དག་ཀྱང་མཐོང་གྱུར་པ།། བརྟན་པ་ངེས་འབྱུང་ཤེས་རབ་ཅན།། དེ་ནི་སྒྲ་ཡིས་དྲང་མི་རུང་།། རྣ་བས་ཕལ་ཆེན་ཐོས་པ་དང་།། མིག་གིས་མང་པོ་མཐོང་ན་ཡང་།། བརྟན
159a7 བ་མཐོང་ཐོས་དེ་ཀུན་གྱིས། ། ཡིད་ཆེས་བྱ་བའི་མི་རིགས་སོ།། ལེགས་གསུངས་ཐོས་པ་སྙིང་པོར་ཤེས་པ་དང་།། ཏིང་ངེ་འཛིན་དག་སྙིང་པོར་ཤེས་གྱུར་ཀྱང་།། གང་ཞིག་བག་མེད་བརླང་པོར་བྱེད་པ་དེའི།། ཐོས
iiif viewer powered by OpenSeadragon
