| e-texts navigator |
| Wylie |
158a1 རབ་མྱུར་བ་དེ་དག་ལ། ། ལྷ་དང་མི་རྣམས་དགའ་བར་བྱེད།། གང་དག་འདས་པའི་རྫོགས་སངས་དང་།། གང་དག་མ་བྱོན་སངས་རྒྱས་དང་།། གང་དག་ད་ལྟར་རྫོགས་སངས་རྒྱས།།
158a2 མང་པོའི་མྱ་ངན་སེལ་མཛད་པ།། བཞུགས་པར་གྱུར་ཅིང་བཞུགས་པ་དང་།། དེ་བཞིན་བཞུགས་པར་འགྱུར་བ་ཀུན།། དམ་ཆོས་བླ་མར་མཛད་པ་འདི།། རྫོགས་སངས་རྒྱས་ཀྱི་ཆོས་ཉིད་ཡིན།། དེ་བས
158a3 འདི་ནི་བདག་དགའ་ཞིང་། ། བདག་ཉིད་ཆེན་པོ་མངོན་འདོད་པས།། སངས་རྒྱས་བསྟན་པ་དྲན་བྱས་ཏེ།། དམ་པའི་ཆོས་ལ་བླ་མར་བྱ།། མི་གང་སངས་རྒྱས་བསྟན་པ་ལ།། དད་པ་མ་བསྐྱེད་བྱིས་བདེ།
158a4 རྒུརྒད་པའི་གནས་སུ་འགྲོ་འགྱུར་ཏེ།། སྲིན་མོ་རྣམས་ཀྱིས་ཚོང་པ་བཞིན།། མི་གང་སངས་རྒྱས་བསྟན་པ་ལ།། དད་པ་བསྐྱེད་པ་ཤེས་རབ་ཅན།། དེར་ནི་བདེ་བར་ཕ་རོལ་འགྲོ།། སྤྲིན་ཤུགས་ལྡན་པས
158a5 ཚོང་པ་བཞིན། ། དེ་བཞིན་གཤེགས་པ་མཉམ་མེད་མཚུངས་པ་མེད།། བདེ་བར་རྣམ་རྟོག་དེ་བཞིན་རབ་དབེན་པའི།། རྣམ་རྟོག་གཉིས་པར་སྤྱོད་པའི་སངས་རྒྱས་རྣམས།། མུན་བསལ་ཕ་རོལ་གཤེགས
158a6 ཤིང་གྲགས་དང་ལྡན། ། དེས་ནི་རྙེད་བྱ་བརྙེས་ཤིང་ཡིད་དགའ་གྱུར།། ཀུན་སྒྲོལ་ཟག་ཟད་རབ་ཏུ་རྣམ་པར་གྲོལ།། རྣམ་གྲོལ་ཐུགས་ལྡན་ཐ་བ་ཟག་མེད་རྣམས།། ལུས་ཅན་འཇིག་རྟེན་རྣམས་ལ་ཕན
158a7 ། ཕྱིར་གཟིགས།། འགའ་ཞིག་རི་བོའི་སྤོ་ལ་འདུག་ནས་སུ།། འགྲོ་བ་རྣམས་ལ་ཀུན་ཏུ་ལྟ་བ་ལྟར།། དེ་བཞིན་བློ་བཟང་མྱ་ངན་བྲལ་བ་དག། ཆོས་ལས་བྱུང་བའི་ཁང་བཟང་སྟེང་གཤེགས་ནས།། སྐྱེ་བོ་སྐྱེ་རྒ
iiif viewer powered by OpenSeadragon
