| e-texts navigator |
| Wylie |
156a1 ཀྱིས་ནི། ། ས་དེ་མངོན་པར་འཐོབ་མི་སྲིད།། གླང་པོའི་ནང་ན་གླང་ཆེན་དང་།། སིན་དུའི་ཅིང་ཤེས་རྟ་དང་ནི།། དྲེའུ་འདུལ་བྱེད་པ་གང་ཡིན་པ།། དེ་བས་བདག་ཉིད་འདུལ་བ་མ
156a2 བདག་ཉིད་ལེགས་འདུལ་གང་ཡིན་དེས། ། འཆིང་བ་བཅད་ནས་འགྲོ་འགྱུར་གྱི།། བཞོན་པ་དེ་དག་རྣམས་ཀྱིས་ནི།། ས་དེ་མངོན་པར་འཐོབ་མི་སྲིད།། འདུལ་སྦྱོང་བྱེད་པས་རྟ་བཟང་ལྟར།། བདག་ཉིད
156a3 ཁོ་ན་གདུལ་བར་བྱ། ། བདག་ཉིད་ལེགས་པར་འདུལ་བ་ཡིས།། སྡུག་བསྔལ་རྣམས་ཀྱི་ཕ་མཐར་ཕྱིན།། བདག་ཉིད་ཁོ་ན་བདག་གི་མགོན།། བདག་ཉིད་བདག་གི་སྐྱབས་ཡིན་པས།། འདུལ་སྦྱོང་བྱེད་པས
156a4 རྟ་བཟང་ལྟར། ། དེ་བས་བདག་ཉིད་འདུལ་བར་བྱ།། རྟའི་ཚེམས་ཏེ་བཅུ་དགུ་པའོ།། ། ཁྲོ་བ་སྤངས་ཤིང་ང་རྒྱལ་རྣམ་སྤངས་ན།། ཀུན་སྦྱོར་ཀུན་ལས་ཤིན་ཏུ་འདའ་འགྱུར་ཞིང་།།
156a5 མིང་དང་གཟུགས་ལ་ཆགས་པ་མེད་དེ་དག། ཅི་ཡང་མེད་པས་ཆགས་པའི་རྗེས་མི་ལྟུང་།། སྐྱེས་མ་ཐག་ཏུ་ཁྲོ་བ་སྤོངས།། སྐྱེས་ནས་འདོད་ཆགས་སྤངས་པར་གྱིས།། བརྟན་པས་མ་རིག་རབ་ཏུ་སྤངས།།
156a6 བདེན་པ་མཐོང་ན་བདེ་བར་འགྱུར།། ཁྲོ་བ་སྤངས་ན་བདེ་བར་ཉལ།། ཁྲོ་བ་སྤངས་ན་གདུང་མི་འགྱུར།། དགེ་སློང་ཁྲོ་བ་བདེ་འཇོམས་པའི།། དུག་གི་རྩ་བ་ཆོམས་ཤིག་དང་།། འཕགས་པ་རྣམས་ཀྱིས
156a7 བསྔགས་འགྱུར་ཞིང་། ། བཅོམ་པ་ཡིས་མྱ་ངན་མེད།། གང་ཁྲོས་བདག་གིས་ལེགས་བྱས་ཀྱི།། མ་ལེགས་མིན་ཤེས་རབ་སྨྲ་བ།། དེ་ནི་ཁྲོ་བཞི་འོག་ཏུ།། མེ་ཡིས་བསྲེགས་བཞིན་གདུང་བར
iiif viewer powered by OpenSeadragon
