| e-texts navigator |
| Wylie |
154a1 ལག་པས་སྟོན་ཀའི་པདྨ་ལྟར།། བདག་ལ་དགའ་བ་བཅད་ནས་སུ།། རྒྱལ་གསུངས་མྱ་ངན་འདས་ཕྱིར།། ཞི་བའི་ལམ་ཉིད་བསྐྱེད་པར་གྱིས།། ཇི་ལྟར་མེ་ཏོག་ཡིད་འོང་བ།། ཁ
154a2 དོག་བཟང་ཡང་དྲི་མེད་ལྟར། ། དེ་བཞིན་ལེགས་པར་གསུངས་པའི་ཚིག། འབྲས་བུ་མེད་པར་མ་བྱེད་ཅིག། ཇི་ལྟར་བུང་བ་མེ་ཏོག་གི། ཁ་དོག་དྲི་ལ་མི་གནོད་པར།། ཁུ་བ་གཞིབས་ནས་འཕུར་བ་ལྟར།། དེ་བཞིན
154a3 ཐུབ་པ་གྲོང་དུ་རྒྱུ། ། གཞན་གྱི་སྐྱོན་ལ་མི་བརྟག་ཅིང་།། གཞན་གྱིས་བྱས་དང་མ་བྱས་མིན།། བདག་ཉིད་ཀྱིས་ནི་རིགས་པ་དང་།། མི་རིགས་པ་ལ་བརྟག་པར་བྱ།། ཇི་ལྟར་ཕྱག་དར་ཕུང་པོ་དག། མི་གཙང
154a4 ཆུ་ནི་མེད་འདི་ལས། ། པདྨ་ཁ་བྱེ་གཙང་བ་དང་།། དྲི་ཞིམ་ཡིད་འོང་རབ་སྐྱེས་ལྟར།། དེ་བཞིན་སོ་སོའི་སྐྱེ་བོ་དག། མདོངས་གྱུར་ཕྱག་དར་ཕུང་འདི་ལས།། རྫོགས་སངས་རྒྱས་ཀྱི་ཉན་ཐོས་དག། ཤེས་རབ
154a5 ཀྱིས་ནི་གསལ་བ་བྱུང་། ། ཇི་ལྟར་མེ་ཏོག་ཕུང་པོ་ལས།། མེ་ཏོག་འཕྲེང་རྒྱུད་མང་བྱེད་ལྟར།། དེ་བཞིན་མིར་ནི་སྐྱེས་པ་ཡིས།། དགེ་བ་ཕལ་ཆེན་རྣམས་ཀྱང་བྱ།། ཇི་ལྟར་དབྱར་ཀ་བ་ཀུ་ལའི།། མེ་ཏོག་རབ་ཏུ
154a6 རྣམ་འཕྲུལ་ལྟར། ། དེ་བཞིན་དགེ་སློང་འདོད་ཆགས་དང་།། ཞེ་སྡང་གཏི་མུག་སྤང་བར་གྱིས།། མི་ཡི་ཡིད་ལ་རྣམ་ཆགས་དག། མེ་ཏོག་བཞིན་དུ་རབ་བསགས་པ།། འཆི་བདག་གིས་ནི་བླངས་ནས་འགྲོ།། ཉལ
154a7 འགྲོ་ཆུ་བོས་འདས་པ་བཞིན། ། མི་ཡི་ཡིད་ལ་རྣམ་ཆགས་དག། མེ་ཏོག་བཞིན་དུ་རབ་བསགས་པ།། འདོད་པ་རྣམས་ཀྱིས་མི་ངོམས་ཤིང་།། འཆི་བདག་གིས་ནི་དབང་དུ་བྱེད།། མི་ཡི་ཡིད་ལ་རྣམ་ཆགས་དག།
iiif viewer powered by OpenSeadragon
