| e-texts navigator |
| Wylie |
153b1 པ་རྒལ་པར་བྱེད། ། བརྒལ་ནས་སངས་རྒྱས་བཅོམ་ལྡན་འདས།། བྲམ་ཟེ་སྐམ་སར་གནས་པར་མཛད།། དེ་ལ་དགེ་སློང་ཁྲུས་བྱེད་ཅིང་།། ཉན་ཐོས་རྣམས་ཀྱིས་གཟིངས་ཀྱང་བཅས།། ཇི་ལྟར་མཚོ་ཆེན
153b2 ཟབ་མོ་དག། རབ་ཏུ་རྣམ་དང་རྙོག་མེད་ལྟར།། དེ་བཞིན་མཁས་པ་རབ་དང་བ།། འདི་ན་ཆོས་ནི་ཉན་པར་བྱེད།། འདི་ལྟར་ཀུན་ན་ཆུ་ཡོད་པས།། སུ་ཞིག་ཚོལ་ཞིང་རྒྱུ་བྱེད་དེ།། ཁྲོན་པའི་ཆུ་ལྟ་ཅི་ཞིག་དགོས།།
153b3 སྲེད་པ་རྩ་ནས་གཅད་པར་གྱིས།། བཙོ་བླག་མཁན་དག་ཆུས་འཁྲུ་ཞིང་།། མདའ་མཁན་མེས་ནི་སྲོང་བ་དང་།། ཤིང་མཁན་ཤིང་ལ་འཇོག་སྦྱོང་ལྟར།། མཁས་པས་བདག་ཉིད་གདུལ་བར་བྱ།། ནམ
153b4 མཁའ་ལྟ་བུར་ཆགས་མེད་ཅིང་། ། སྒོ་ཐེམ་ལྟ་བུར་གཡོ་བ་མེད།། རྙོག་པ་ཅན་གྱི་མཚེ་ལྟ་བུར།། མཁས་པ་འཁོར་བ་ལ་མི་དགའ།། ཆུ་ཡི་ཚེམས་ཏེ་བཅུ་བདུན་པའོ།། །། ལྟར
153b5 བཅས་གཤིན་རྗེའི་འཇིག་རྟེན་འདི། ། ས་སྟེང་ལས་རྒྱལ་གང་ཞིག་ལགས།། མེ་ཏོག་ལྟ་བུར་རབ་འདོད་པའི།། ཆོས་གཞི་ལེགས་པར་སྟོན་མཁས་གང་།། ལྔར་བཅས་གཤིན་རྗེའི་འཇིག་རྟེན་འདིའི།།
153b6 ས་སྟེང་ལས་རྒྱལ་སློབ་པ་ཡིན།། མེ་ཏོག་ལྟ་བུར་རབ་འདོད་པའི།། ཆོས་གཞི་ལེགས་པར་སྟོན་མཁས་ཏེ།། ནགས་ཚལ་ལས་ནི་འཇིག་སྐྱེས་ཕྱིར།། ནགས་ཚལ་གཅད་ཀྱི་ཤིང་མ་ཡིན།། ནགས
153b7 དང་ནགས་སྦྱོར་ཆོད་ཅིག་དང་། ། དགེ་སྦྱོང་མྱ་ངན་འདའ་བར་འགྱུར།། གལ་ཏེ་ནགས་སྦྱོར་མ་བཅད་ན།། ཕྲ་རབ་ཀྱིས་ཀྱང་མི་རྣམས་སྐྱེ།། མ་དྲུང་ནུ་ཞོ་འདོད་བེའུ་ལྟར།། དེ་ཡིས་ཡིད་ནི་རབ་ཏུ་འཆིང་།།
iiif viewer powered by OpenSeadragon
