| e-texts navigator |
| Wylie |
150b1 གང་ཞིག་རྟག་ཏུ་རྣམ་པ་ཐམས་ཅད་དུ།། ལུས་གཏོགས་དྲན་པ་ཉེ་བར་འཇོག་བྱེད་པ།། བདག་ཉིད་མེད་ཅིང་བདག་གིར་འཛིན་པ་མེད།། བདག་ཏུ་མི་འགྱུར་བ་དག་གིར་འཛིན་མི་འགྱུར།། དེ་ལྟར་དགེ་སློང
150b2 མཉམ་འཇོག་མྱུར་དུ་ནི། ། ཡུལ་ལ་སྲེད་པ་དག་ལས་རྒལ་བར་འགྱུར།། གང་ཞིག་དྲན་དང་ཤེས་བཞིན་མཉམ་འཇོག་དང་།། དགའ་དང་རབ་ཏུ་དང་བས་དུས་དུས་སུ།། ཆོས་འདི་ལ་སྤྱོད་མེལ་ཚེ་བྱེད་པ་དེ།།
150b3 སྐྱེ་རྒ་རྣམས་ལས་རྒལ་བར་འགྱུར་ཞེས་གསུངས།། དེ་ལྟར་རྟག་ཏུ་མེལ་ཚེ་བྱེད་སྟེན་ཅིང་།། དགེ་སློང་མཁས་པ་དྲན་ལྡན་བརྩོན་པ་ཡིས།། སྐྱེ་རྒའི་ཀུན་ཏུ་སྦྱོར་བ་སྤངས་ནས་སུ།། དེས་ནི་འདི་ལས་མྱ་ངན་འདྲ
150b4 པ་འཐོབ། ། གཉིད་ལོག་དེ་དག་སང་བྱེད་པའི།། མེལ་ཚེ་བདག་ལ་ཁྱོད་ཉོན་ཅིག། ཉལ་བས་མེལ་ཚེ་བྱེད་བླ་སྟེ།། མེལ་ཚེ་བྱེད་ལ་འཇིགས་པ་མེད།། མེ་ལ་ཚེ་བྱེད་པར་བརྩོན་པ་དང་།། ཉིན་མཚན་རྗེས་སུ
150b5 སློབ་བྱེད་ཅིང་། ། འཆི་བ་མེད་ལ་ལྷག་མོས་པའི།། ཟག་པ་རྣམས་ནི་ཟད་པར་འགྱུར།། གང་ཞིག་ཉིན་དང་མཚན་རྣམས་སུ།། སངས་རྒྱས་རྗེས་སུ་དྲན་བྱེད་ཅིང་།། གང་དག་སངས་རྒྱས་སྐྱབས་སོང
150b6 བ། ། དེ་དག་མི་ཡི་རྙེད་པ་ཡིན།། གང་ཞིག་ཉིན་དང་མཚན་རྣམས་སུ།། ཆོས་རྣམས་རྗེས་སུ་དྲན་བྱེད་ཅིང་།། གང་དག་ཆོས་ལ་སྐྱབས་སོང་བ།། དེ་དག་མི་ཡི་རྙེད་པ་ཡིན།། གང་ཞིག་ཉིན་དང་མཚན
150b7 རྣམས་སུ། ། དགེ་འདུན་རྗེས་སུ་དྲན་བྱེད་ཅིང་།། གང་དག་དགེ་འདུན་སྐྱབས་སོང་བ།། དེ་དག་མི་ཡིས་རྙེད་པ་ཡིན།། གང་ཞིག་ཉིན་དང་མཚན་རྣམས་སུ།། སངས་རྒྱས་རྗེས་སུ་དྲན་བྱེད་པ།། གོའུ
iiif viewer powered by OpenSeadragon
