| e-texts navigator |
| Wylie |
150a1 ཡི། ། གྲོགས་པོ་མཁས་པ་གལ་ཏེ་རྙེད་ན་ནི།། ཉོན་མོངས་ཐམས་ཅད་མངོན་པར་ཟིལ་མནན་ནས།། དྲན་ལྡན་དགའ་བའི་ཡིད་ཀྱིས་དེ་དང་སྤྱད།། བརྟན་པ་ལེགས་གནས་ལྷན་ཅིག
150a2 སྤྱད་པ་ཡི། ། གྲོགས་པོ་མཁས་པ་གལ་ཏེ་མ་རྙེད་ན།། ཡུལ་འཁོར་ཡངས་པ་སྤངས་པའི་རྒྱལ་པོ་ལྟར།། གཅིག་པུས་སྤྱད་བྱ་སྡིག་པ་མི་བྱའོ།། བདག་དང་འཐུན་པར་སྤྱོད་པ་ཡི།། གྲོགས་བཟང་རྙེད
150a3 པར་མ་གྱུར་ན། ། བྱིས་པ་གྲོགས་སུ་མི་འགྱུར་བས།། གཅིག་པུས་སྤྱོད་པ་བརྟན་པར་བྱ།། བྱིས་པ་གྲོགས་སུ་མི་འགྱུར་བས།། གཅིག་པུ་སྤྱོད་པས་བྱེད་བླ་བས།། མོ་ཏང་དགོན་པའི་གླང་པོ་ལྟར།
150a4 སེམས་ཁྲལ་བསྐྱངས་ཏེ་གཅིག་པུ་སྤྱད།། འཁུ་བའི་ཚོམས་ཏེ་བཅུ་བཞི་པའོ།། ། སངས་རྒྱས་ཀྱིས་ནི་བསྟན་པ་བཞིན།། གང་ཞིག་དབུགས་དབྱུང་བརྔུབ་དྲན་པ།། ཡོངས་སུ་རྫོག
150a5 བས་ལེགས་བསྒོམས་པས། ། རིམ་གྱིས་ཡོངས་སུ་བྱང་གྱུར་ཏེ།། སྤྲིན་བྲལ་ཉི་མ་ཟླ་བ་ལྟར།། འཇིག་རྟེན་འདིར་ཀུན་ནས་གསལ།། འགྲེང་དང་འདུག་དང་དེ་བཞིན་ཉལ་བ་དང་།། ལུས་དང་དེ་བཞིན
150a6 སེམས་ནི་འཇོག་བྱེད་ཅིང་། ། དགེ་སློང་དྲན་པ་དེ་ལོགས་འཇོག་པ་ན།། སྔ་ཕྱིའི་ཁྱད་པར་རྣམས་ནི་འཐོབ་པར་འགྱུར།། སྔ་ཕྱིའི་ཁྱད་པར་རྣམས་ནི་ཐོབ་གྱུར་ནས།། འཆི་བདག་རྒྱལ་པོས་བལྟར་ཡང
150a7 མེད་པར་འགྲོ། ། ལུས་གཏོགས་དྲན་པ་ཉེ་བར་བཞག་ནས་སུ།། རེག་པའི་སྐྱེ་མཆེད་དྲུག་ནི་བསྡམས་བྱས་ཏེ།། གང་ཞིག་རྟག་ཏུ་མཉམ་པར་འཇོག་བྱེད་པ།། དེ་བདག་ཉིད་ཀྱིས་མྱ་ངན་འདས་པ་རྟོགས།།
iiif viewer powered by OpenSeadragon
