| e-texts navigator |
| Wylie |
149a1 གལ་ཏེ་འཆི་བདག་ཉམས་བྱེད་པའི།། ཟག་མེད་རིག་པ་གསུམ་ལྡན་ན།། བླུན་མོས་ཅི་ཡང་མི་ཤེས་ཞེས།། བསམས་ནས་དེ་ལ་འདྲ་ཡང་ཐ།། གང་ཟག་སྡིག་པའི་ཆོས་ཅན་ལ།
149a2 གལ་ཏེ་བཟའ་དང་བཏུང་བ་ཡི།། རྙེད་པ་དག་དང་ལྡན་གྱུར་ན།། དེ་ལ་དེ་དག་མཆོད་པ་བྱེད།། མགོ་བྲེགས་ངུར་སྨྲིག་གྱོན་པ་ཡི།། བཟའ་བ་དང་ནི་བཏུང་བ་དང་།། གོས་དང་མལ་ཆ་རྙེད་པ་ལྟར།། དགྲ་བྱེད་མང
149a3 བ་ཁོ་ནར་ཟད། ། དེ་ལྟར་བཀུར་སྟི་འཇིག་ཆེན་གྱི།། སྐྱོན་རྣམས་ཁོང་དུ་ཆུད་བྱས་ནས།། འཕྲིགས་ཉུང་སེམས་ཁྲལ་བསྐྱུངས་ནས་སུ།། དྲན་ལྡན་དགེ་སློང་ཀུན་ཏུ་རྒྱུས།། ཁམ་གྱི་ཟས་ཀྱིས་སེམས་ཞིར་མི
149a4 འགྱུར་ཡང་། ། འཚེ་བ་འདི་ཕྱིར་མི་བཟའ་མི་བྱ་སྟེ།། ཁ་ཟས་ཀྱིས་ནི་ལུས་དག་གནས་འགྱུར་བ།། དེ་ལྟར་རྟོགས་ལ་བསོད་སྙོམས་དག་ལ་རྒྱུས།། རིགས་ཀྱིས་ཕྱག་བྱས་མཆོད་པ་གང་ཡིན་འདི།། ཟུག་རྔུ
149a5 མོ་དབྱུང་བར་དཀའ་བ་སྟེ། ། མི་ཡིས་བཟོད་དཀའ་བཀུར་སྟི་གང་ཡིན་འདི།། འདམ་དང་འདྲ་བར་རབ་ཏུ་རྟོགས་པར་གྱིས།། བཀུར་སྟིའི་ཆོམས་ཏེ་བཅུ་གསུམ་པའོ།། སྡིག་པའི་ལས
149a6 ནིམི་བྱེད་པ། ། འཁུ་བྱ་མིན་ལ་གང་འཁུ་བ།། འཇིག་རྟེན་འདི་དང་ཕ་རོལ་དུ།། དེ་ཉིད་སྡིག་པ་རྣམས་ཀྱིས་གོས།། དང་པོར་བདག་ནི་ཕུང་བྱེད་ཅིང་།། ཕྱི་ནས་གཞན་ཡང་ཕུང་བྱེད་པ།། ཁྲ་ཡིས་གཟན
149a7 མའི་བྱ་ལྟ་བུར། ། ཕུང་ཞིང་གཞན་ཡང་ཕུང་བར་བྱེད།། རྡེག་པར་བྱེད་པས་རྡེག་པ་འཐོབ།། ཁོན་དུ་འཛིན་པས་ཁོན་ཅན་མཐོང་།། དེ་བཞིན་གཤེ་བས་གཤེ་བ་སྟེ།། ཁྲོ་བར་བྱེད་ལ་ཁྲོ་བ་འཐུང་།། འདི་གཞན
iiif viewer powered by OpenSeadragon
