| e-texts navigator |
| Wylie |
148b1 པའི་དཀར་པོའི་ཆ་འགྲིབ་ཅིང་། ། དེ་ཡི་སྤྱི་བོའང་ངེས་པར་ཉམས།། ངན་པ་རྙེད་པ་འདོད་པ་དང་།། དགེ་སློང་འཁོར་ནི་འདོད་པ་དང་།། གནས་ལ་སེར་སྣ་བྱེད་པ་དང་།། རིགས་གཞན་དག་གིས་མཆོད་པ་དང་།། རབ་ཏུ
148b2 བྱུང་དང་ཁྱིམ་པ་དག། གང་ཡང་རུང་བས་བདག་འཕྲིགས་ཏེ།། བྱ་བ་བྱས་རུང་མ་བྱས་རུང་།། བདག་དབང་གྱུར་ན་རེ་སྟེ་ས་ཞེས།། དེ་ལྟར་བྱིས་པ་ཀུན་རྟོགས་ན།། སེམས་ལ་འདོད་ཆེན་འཕེལ་བར་འགྱུར།། རྙེད་པའི།
148b3 ཐབས་ནི་གཞན་ཡིན་ལ།། མྱ་ངན་འདས་འགྲོའི་གཞན་ཡིན་ཞེས།། དེ་ལྟར་ཅི་རིགས་ཤེས་ནས་སུ།། བཀུར་སྟི་དག་ལ་མི་དགའ་ཞིང་།། དབེན་པ་རིམ་གྱིས་འཕེལ་བྱེད་པའི།། དགེ་སློང་སངས་རྒྱས་ཉན་ཐོས་ཡིན།།
148b4 ཐམས་ཅད་ལ་ནི་མི་སྩོལ་ཞིང་།། མི་ཡིས་འཕྲིགས་པར་མ་གྱུར་དང་།། འཚེ་བ་གཞན་ལ་མི་བརྟེན་ཅིང་།། ཆོས་ལ་ཚོང་པ་བཞིན་མི་སྤྱད།། རང་གི་རྙེད་པ་བླང་བྱ་ཞིང་།། གཞན་གྱི་ལ་ནི་འདོད་མི་སྐྱེད།། དགེ་སློང
148b5 གཞན་གྱི་འདོད་བྱེད་པས། ། ཏིང་འཛིན་ཐོབ་པར་མི་འགྱུར་རོ།། གལ་ཏེ་བདེ་བར་འཚོ་འདོད་ཅིང་།། དགེ་སྦྱོང་འདི་ལ་ལྟ་འདོད་ན།། དགེ་འདུན་གྱི་ནི་ཆོས་གོས་དང་།། བཟའ་བཏུང་བྱིན་པར་གྱུར་ན་བླང་།། གལ་ཏེ་བདེ
148b6 བར་འཚོ་འདོད་ཅིང་། ། དགེ་སྦྱོང་འདི་ལ་ལྟ་འདོད་ན།། བྱི་བའི་ཁུང་ནས་སྤྲུལ་ལྟ་བུར།། གནས་མལ་དག་ལ་བསྟན་པར་གྱིས།། གལ་ཏེ་བདེ་བར་འཚེ་འདོད་ཅིང་།། དགེ་སྦྱོང་འདི་ལ་ལྟ་འདོད་ན།། ངན་ངོན་ཙམ་གྱིས
148b7 ཆོག་ཤེས་ཤིང་། ། ཆོས་གཅིག་པོ་ཡང་བསྒོམ་པར་བྱ།། གལ་ཏེ་མང་པོ་མི་ཤེས་ཤིང་།། ཚུལ་ཁྲིམས་ལེགས་པར་མཉམ་བཞག་ན།། དེ་ཤེས་པ་དག་འཚོ་དག་ཅིང་།། སྙོམས་ལས་མེད་ཅེས་སྟོང་པར་བྱེད།།
iiif viewer powered by OpenSeadragon
