| e-texts navigator |
| Wylie |
147b1 ཡིད་འབྱུང་། ། ལམ་འདི་རྣམ་པར་དག་པར་འགྱུར།། འདུ་བྱེད་ཐམས་ཅད་བདག་མེད་པར།། གང་ཆེ་ཤེས་རབ་ཀྱིས་མཐོང་བ།། དེ་ཚེ་སྡུག་བསྔལ་ལས་ཡིད་འབྱུང་།། ལམ་འདི་རྣམ་པར་དག་པར་འགྱུར། སྲེ
147b2 པའི་ཟུག་རྔུ་གཅོད་བྱེད་ལམ། ། ངས་ནི་ཁྱེད་ཅག་རྣམས་ལ་བསྟན།། དེ་བཞིན་གཤེགས་པ་སྟོན་པ་སྟེ།། ཁྱེད་ཅག་རྣམས་ཀྱིས་བྱ་དགོས་སོ།། སྲེད་པའི་ཟུག་རྔུ་སེལ་བའི་ལམ།། ངས་ནི་ཁྱེད་ཅག་རྣམས་ལ
147b3 བསྟན། ། དེ་བཞིན་གཤེགས་པ་སྟོན་པ་སྟེ།། ཁྱེད་ཅག་རྣམས་ཀྱིས་བྱ་དགོས་སོ།། ལྟ་བ་རྣམ་པར་དག་བྱེད་པ།། ལམ་འདི་མ་གཏོགས་གཞན་མེད་པས།། ཏིང་ངེ་འཛིན་ལ་རབ་ཞུགས་ཏེ།། བདུད་ཀྱི་འཆིང
147b4 བ་སྤང་བར་གྱིས། ། འདི་ནི་དྲན་ལམ་འདི་ནི་ཕ་རོལ་གནོན།། མཚོ་ལ་ངང་པའི་སྲང་ལྟར་བགྲོད་པ་གཅིག། ཤཱཀྱ་ཐུབ་པས་མཉམ་གཞག་གང་རྟོགས་ནས།། ཚོགས་ལ་ཡང་དང་ཡང་དུ་བཤད་པ་འདི།། སྐྱེ་ཤི
147b5 མཐའ་རྟོགས་ཕན་མཛད་ཐུགས་བརྩེ་བས། ། བགྲོད་པ་གཅིག་ལམ་རབ་ཏུ་བསྟན་མཛད་པའི།། ལམ་འདིས་ཆུ་བོ་རྣམས་ལས་སྔོན་རྒལ་ཞིང་།། དེ་བཞིན་རྒལ་བར་འགྱུར་ཞིང་རྒལ་བར་མཛད།། ཤིན་ཏུ་མཐར་གཏུམ
147b6 གདུལ་བྱ་དག་བྱ་དང་། ། འཁོར་བའི་སྐྱེ་ཤི་ཟད་པར་བྱ་བ་དང་།། ཁམས་རྣམས་དུ་མ་སོ་སོར་རྟོག་བྱའི་ཕྱིར།། སྤྱན་དང་ལྡན་པས་ལམ་འདི་རབ་ཏུ་བསྟན།། ཇི་ལྟར་ཆུ་ཀླུང་གངྒཱའི་ཆུ་རྒྱུན་ཞུགས།། རྒྱ་མཚོའི་ནིང
147b7 དུ་འབབ་པར་འགྱུར་བ་ལྟར། ། དེ་བཞིན་ཤེས་རབ་ཡངས་པས་བསྟན་པའི་ལམ།། འདི་ནི་འཆི་མེད་ཐོབ་པར་བྱ་ཕྱིར་འཇུག། གང་ཞིག་འབྱུང་པོ་ཀུན་ལ་ཐུགས་བརྩེ་བས།། སྔོན་ཆད་མ་ཐོས་ཆོས་ཀྱི་འཁོར་ལོ།
iiif viewer powered by OpenSeadragon
