| e-texts navigator |
| Wylie |
145b1 བདེན་པ་ཁོ་ནར་ངོ་བོ་རྣམས་ཀྱི་ཕུལ།། ཤེས་རབ་ཀྱིས་འཚོ་འཚོ་བའི་མཆོག་ཅེས་གསུངས།། མྱ་ངན་འདས་པར་འགྲོ་བ་ཡི།། དགྲ་བཅོམ་ཆོས་ལ་དང་བསྐྱེད་དེ།། མཁས་པས་གུས་པར་མཉན་ན་ནི།
145b2 དེ་དང་དེ་ཡི་ཤེས་རབ་འཐོབ།། བག་ཅན་གྱིས་ནི་རྒྱ་མཚོ་དང་།། དད་པས་ཆུ་བོ་རྣམས་ལས་སྒྲོལ།། བརྩོན་འགྲུས་ཀྱིས་ནི་སྡུག་བསྔལ་སྤོང་།། ཤེས་རབ་ཀྱིས་ནི་ཡོངས་དག་འགྱུར།། དགེ་སློང་དད་པའི
145b3 གྲོགས་ལྡན་ཞིང་། ། ཤེས་རབ་ཀྱིས་ནི་གཏམས་པ་དང་།། མྱ་ངན་འདས་ལ་མངོན་དགའ་བས།། འཆིང་བ་ཐམས་ཅད་གཅོད་པར་འགྱུར།། གང་གིས་དང་ངང་ཚུལ་ཁྲིམས་དང་།། ཤེས་རབ་ཉིད་ནི
145b4 ལེགས་བསྒོམས་ཤིང་། ། མཁས་པ་སྐྱོན་རྣམས་སྤོང་བ་དེ།། ལེགས་པའི་ངང་ཚུལ་ཅན་ཞེས་བརྗོད།། དད་དང་ཚུལ་ཁྲིམས་ཕུན་སུམ་ཚོགས།། གཏོང་ལྡན་འཇུངས་པ་རྣམ་སྤངས་པ།། དེ་ནི་གང
145b5 དང་གར་སོང་བ། ། དེ་དང་དེར་ནི་མཆོད་པར་འགྱུར།། མཁས་གང་འཚོ་བའི་འཇིག་རྟེན་ན།། དད་དང་ཤེས་རབ་སྟེན་བྱེད་པ།། དེ་དག་དེ་ཡི་ནོར་མཆོག་སྟེ།། དེ་ཡི་ནོར་གཞན་ཕལ་པར་ཟད།། འཕགས་པ་བལྟ
145b6 བར་འདོད་པ་དང་། ། དམ་ཆོས་ཉན་པར་དགའ་བ་དང་།། སེར་སྣའི་དྲི་མ་རྣམ་སྤངས་པ།། དེ་ནི་དད་པ་ཅན་ཞེས་བྱ།། དད་པའི་ལམ་བརྒྱགས་བསྐུར་བར་བྱ།། བསོད་ནམས་ཆོམ་པོས་དབྲོག་མི་ནུས།། ཆོས
145b7 ཏན་འཕྲོག་པར་བྱེད་པ་བཟློག། དགེ་སྦྱོང་རྣམས་ཀྱིས་བླངས་ནས་དགའ།། མཁས་པ་དགེ་སྦྱོང་འོངས་པ་ལ།། མངོན་པར་དགའ་བར་བྱེད་འགྱུར་ཞིང་།། སྐྱེ་བོ་རྣམས་ནི་ཅི་རིགས་པར།། དད་པ་ཇི་བཞིན་སྦྱིན
iiif viewer powered by OpenSeadragon
