| e-texts navigator |
| Wylie |
144b1 སྡུག་བསྔལ་ལས་ནི་བར་མི་འགྱུར།། གང་དུ་གནས་ན་ལས་ཀྱིས་མི་ཚུགས་པའི།། ས་ཕྱོགས་དེ་ནི་ཡོད་པ་མ་ཡིན་ཏེ།། བར་སྣང་ལ་མེད་རྒྱ་མཚོའི་ནང་ནའང་མེད།། རི་བོ་རྣམས་ཀྱི་གསེབ་ཏུ་ཞུགས་ཀྱང་མིན།།
144b2 ཕ་རོལ་པོ་ལ་བརྟགས་ནས་གང་།། སྡིག་པ་ཅན་གྱི་ལས་མཐོང་བ།། དེ་དག་བདག་གིས་མི་བྱ་སྟེ།། སྡིག་བྱས་ལས་ནི་རྗེས་སུ་འབྲང་།། ལས་གང་ཤིན་ཏུ་མི་བཟད་དང་།། ཟོལ་བྱེད་གཞལ་ལུགས་འཆོས་པ
144b3 དང་། ། མི་ལ་འཚེ་བར་བྱེད་པ་དང་།། གཞན་ལ་བྱེད་དུ་འཇུག་པ་ཡི།། ལས་དེ་མི་ཡི་རྗེས་འབྲང་བས།། དེ་ཡི་ག་ཡང་སར་ལྟུང་བར་བྱེད།། མི་ཡིས་དགེ་བའམ་སྡིག་པ་ཡི།། ལས་ནི་གང་དང་གང་བྱས་པའི།།
144b4 ལས་རྣམས་ཆུང་ཟར་མི་འགྱུར་ཏེ།། དེ་ལྟ་དེ་ལྟར་འབྲས་བུར་འགྱུར།། དེ་ཡི་ཚོགས་པ་ཇི་སྲིད་པར།། དེ་སྲིད་འདི་ནི་རྡུང་བར་བྱེད།། དེ་ལ་བཞིན་དག་རྡུང་བྱེད་དེ།། རྡུང་བྱེད་དེ་ནི་བརྟག་པར་འགྱུར།། འདི་ནི
144b5 བདག་རྗེས་མི་འབྲང་ཞེས། ། བྱིས་པས་མ་བརྟགས་བྱས་པ་ཡི།། སྡིག་པའི་ལས་ཀྱི་འགྲོ་བ་དག། ཕ་རོལ་ཏུ་ནི་ཤེས་པར་འགྱུར།། གལ་ཏེ་བྱིས་པས་མི་ཤེས་པར།། སྡིག་པའི་ལས་ནི་བྱས་པ་དག།
144b6 ནམ་ཤིག་ན་ནི་དེ་ཉིད་ཀྱིས།། རྣམ་སྨིན་ཆེ་བ་སོ་སོར་སྟེན།། རང་གི་ལས་ཀྱིས་དེའི་འོག་ཏུ།། མེ་ཡིས་བསྲེགས་པ་བཞིན་དུ་གདུངས།། བྱིས་པ་ཤེས་རབ་ཆུང་ངུ་དག། བདག་ལ་དགྲ་བཞིན་བྱེད་པ་ཡིས།།
144b7 གང་ཞིག་འབྲས་བུ་ཚར་འགྱུར་བའི།། སྡིག་ཅན་ལས་ནི་སྤྱོད་པར་བྱེད།། གང་དག་བྱས་པ་གདུངས་འགྱུར་ཞིང་།། མཆི་མས་གདོང་ཡོག་དུ་བཞིན་དུ།། རྣམ་སྨིན་སོ་སོར་སྟེན་པ་ཡི།། ལས་དེ་དག་ནི་མ་བྱས
iiif viewer powered by OpenSeadragon
