| e-texts navigator |
| Wylie |
144a1 དུས་སྨྲ་ཞིང་རློམ་པ་མེད། ། གང་ཞིག་ཆོས་ལྡན་དོན་སྟོན་པ།། དེ་ནི་སྙན་པར་སྨྲ་བ་ཡིན།། ལེགས་པར་སྨྲ་བ་མཆོག་ཅེས་འཕགས་པ་གསུངས།། སྙན་སྨྲ་མི་སྙན་མ་ཡིན་དེ་གཉིས
144a2 པ། ། བདེན་སྨྲ་བརྫུན་པ་མ་ཡིན་དེ་གསུམ་པ།། ཆོས་སྨྲ་ཕལ་པ་མ་ཡིན་བཞི་པ་དེའོ།། ཚིག་བདེན་རྣམས་ནི་སྨྲ་བྱ་ཞིང་།། གང་གིས་བདག་ཀྱང་མི་གདུང་ལ།། ཕ་རོལ་ལ་ཡང་གནོད་མེད་པའི།། ཚིག་དེ་ལེགས
144a3 པར་སྨྲ་བར་བྱ། ། གང་གིས་མངོན་པར་དགའ་འགྱུར་ཞིང་།། གང་གིས་སྡིག་པ་མི་སྐྱེད་དང་།། སྨྲས་པས་ཕ་རོལ་དགའ་གྱུར་བའི།། སྙན་ཚིག་ཁོ་ནར་སྨྲ་བར་བྱ།། བདེན་པའི་ཚིག་ནི་བདུད་རྩི་སྟེ།། བདེན་པའི
144a4 ཚིག་ནི་བླ་མེད་ཡིན། ། དོན་དང་ཆོས་ལ་རབ་གནས་པ།། བདེན་པ་ཡིན་ཞེས་དམ་པ་གསུང་།། སྡུག་བསྔལ་ཐམས་ཅད་སྤང་བའི་ཕྱིར།། སངས་རྒྱས་ཀྱིས་ནི་གསུངས་ཚིག་གང་།། བདེ་བ་མྱ་ངན་འདས་འགྲོ་བའི
144a5 ཚིག་དེ་བླ་ན་མེད་པའི་ཡིན། ། ཚིག་གི་ཆོམས་ཏེ་བརྒྱད་པའོ།། ཆོས་གཅིག་ལས་ནི་རབ་འདས་ཤིང་།། འཇིག་རྟེན་ཕ་རོལ་བཅོམ་པ་ཡིས།། ལུས་ཅན་བརྫུན་དུ་སྨྲ་བ་ཡིས།། སྡིག་པ་མི
144a6 བྱ་ཅི་ཡང་མེད། ། ལྕགས་སྒོང་མེ་ལྕེ་འབར་འདྲ་བ།། ཟོས་པར་གྱུར་པ་ཆེས་བླ་ཡིས།། ཚུལ་འཚལ་ལེགས་པར་མི་སྡོམས་པས།། ཡུལ་འཁོར་བསོད་སྙོམས་ཐ་མི་རུང་།། ཁྱོད་ནི་སྡུག་བསྔལ་གྱིས་འཇིགས་ཤིང
144a7 ཁྱོད་ལ་སྡུག་བསྔལ་མི་སྡུག་ན། ། མངོན་སུམ་དག་གམ་ལྐོག་ཏུའང་རུང་།། སྡིག་པ་ཅན་གྱི་ལས་མི་བྱ།། གལ་ཏེ་སྡིག་པའི་ལས་བྱས་སམ།། བྱེད་ཀྱང་རུང་སྟེ་ཁྱོད་ཀྱིས་ནི།། ཀོག་ཅས་ལངས་ཏེ་བྲོས་བྱས་ཀྱང་།
iiif viewer powered by OpenSeadragon
