| e-texts navigator |
| Wylie |
142a1 པ་དང་། ། ཟས་ཀྱི་ཚོད་ནི་རིག་པ་དང་།། མི་ཉལ་བ་ལ་འབད་པ་སྟེ།། དེ་ལྟར་གནས་ནས་བརྩོན་པ་དང་།། ཉིན་མཚན་སྙོམས་ལས་མི་བྱེད་པ།། མྱ་ངན་འདས་དང་ཉེ་བའི་ཕྱིར།། ཡོངས་སུ
142a2 ཉམས་འགྱུར་མི་སྲིད་དོ། ། མི་ནི་ཚུལ་ཁྲིམས་ལ་གནས་ནས།། སེམས་དང་ཤེས་རབ་སྒོམ་པ་ལ།། བརྩོན་ཞིང་ངེས་གནས་དགེ་སློང་གིས།། སྡུག་བསྔལ་ཟད་པ་ཐོབ་པར་འགྱུར།། དེ་ཕྱིར་རྟག་ཏུ་ཚུལ་ཁྲིམ།
142a3 དང་།། ཏིང་འཛིན་རྗེས་སུ་བསྲུང་བ་དང་།། ལྷག་མཐོང་ལ་ནི་བསླབ་པ་དང་།། ཤེས་བཞིན་སོ་སོར་དྲན་པར་བྱ།། དེས་ནི་ཀུན་སྦྱོར་ཟད་བྱས་ནས།། ཡིད་བྲལ་ལྷག་མ་མེད་འགྱུར་ཏེ།། ལུས་ཞིག་ཤེས་རབ་ལྡན
142a4 པ་ཡིས། ། བགྲང་དུ་མེད་པའི་མྱ་ངན་འདས།། གང་ཞིག་ཚུལ་ཁྲིམས་ཏིང་འཛིན་དང་།། ཤེས་རབ་འདི་གསུམ་ལེགས་བསྒོམས་ཏེ།། ཤིན་ཏུ་དྲི་མེད་མཐར་ཕྱིན་ཅིང་།། གདུང་མེད་ཡང་སྲིད་ཟད་གྱུར་དང་།། ཆག
142a5 པའི་འཆིང་ལས་རྣམ་གྲོལ་ཞིང་། ། ལུས་སྤངས་ཤེས་རབ་ལྡན་པ་དང་།། བདུད་ཀྱི་ཡུལ་ལས་འདས་པ་དག། ཉི་མ་བཞིན་དུ་ལམ་མེར་འབར།། དགེ་སློང་ཕྱི་དང་ནང་ཉིད་ལ།། བག་མེད་རློམ་པར་བྱེད་པ་ཡི།། །
142a6 ཚུལ་ཁྲིམས་ཏིང་འཛིན་ཤེས་རབ་རྣམས།། ཡོངས་སུ་རྫོགས་པར་མི་འགྱུར་རོ།། སྤྲིན་གྱིས་ཁེབས་ལས་ཆར་འབབ་ཅིང་།། ནམ་ཐང་བ་ལས་ཆར་མི་འབབ།། དེ་བས་ཁེབས་པ་སོལ་ཅིག་དང་།། འདི་ལྟར་ཆར་པ་འབབ
142a7 མི་འགྱུར། ། དེ་ལྟར་རྟག་ཏུ་མཐོང་བ་དང་།། དགེ་སློང་ཚུལ་ཁྲིམས་སྡོམ་པ་ཡི།། མྱ་ངན་འདས་པར་འགྲོ་བའི་ལམ།། མྱུར་བ་ཁོ་ནར་རྣམ་པར་བདག། མེ་ཏོག་དྲི་ནི་རྫི་ཕྱོགས་མིན་མི་འགྲོ།། རྩ་བརྒྱ་སྤོས་ཙན་དན་རྣམས
iiif viewer powered by OpenSeadragon
